काठमाडौं (हाम्रो खेलकुद) – खुकुरी नेपाल सुपर लिग (एनएसएल) मा आज दुई खेल हुँदै छन् । लिगको दोस्रो दिन पहिलो खेलमा विराटागर सिटी एफसी र धनगढी एफसीबीच प्रतिस्पर्धा हुने छ । खेल दिउँसो २:३० बजेबज दशरथ रंगशालामा सुरु हुने छ ।

दुवै टोली लिगमा विजयी सुरुवात गर्ने सोचमा छन् । विराटनगरको मार्की खेलाडीमा रञ्जित धिमाल छन् । धनगढीमा राष्ट्रिय टोलीका कप्तान तथा गोलरक्षक किरण चेम्जोङ आइकोनिक खेलाडी हुन् । धनगढीको प्रशिक्षकमा युगलकिशोर राई र विराटनगरको प्रशिक्षकमा एन ल छन् । विशाल राई मार्की खेलाडीको रुपमा धनगढीमा छन् । किरण पाँच वर्षपछि लिग खेल्दै छन् ।

दोस्रो खेलमा पोखरा थन्डर्स र बुटवल लुम्बिनी एफिसीबीच साँझ ५:३० बजे प्रतिस्पर्धा हुने छ । पोखरामा फरवार्ड नवयुग श्रेष्ठ मार्की खेलाडीको रुपमा छन् । पोखरा प्रशिक्षक नविन न्यौपाने छन् । बुटवलमा गोलरक्षक विशाल श्रेष्ठ मार्की खेलाडीको रुपमा हुँदा प्रशिक्षकमा सनोज श्रेष्ठ छन् ।

शनिबार भएको पहिलो खेलमा काठमाडौं रेजर्सले खुकुरी ललितपुर सिटी एफसीलाई १-० ले हराउँदै विजयी सुरुवात गरेको थियो । घरेलु फुटबलमा पहिलो पटक आयोजित फ्रेन्चाइज फुटबलमा ७ टोलीको सहभागिता छ ।

प्रतियोगिताको विजेताले ३५ लाख रुपैयाँ प्राप्त गर्नेछन् । उपविजेताले १५ लाख रुपैयाँ हात पार्नेछन् । व्यक्तिगत विधातर्फका उत्कृष्टले जनही १ लाख तथा उत्कृष्ट युवा खेलाडीले पनि १ लाख रुपैया हात पार्नेछन् । हरेक खेलको ‘म्यान अफ दि म्याचले २५ हजार रुपैयाँ पाउने छन् ।