लन्डन (एजेन्सी)– वेस्ट ब्रुमवीचले अन्तिम समय तिर गोल फर्काएपनि प्रिमियर लिगमा शनिबार लिभरपुलको जितलाई रोक्न सकेन । साडियो माने र फिलिप्पे कान्टिन्होले पहिलो हाफमै गरेको गोलमा योर्गान क्लोपको लिभरपुल २–१ को जित हासिल गर्दै लिगको दोस्रो स्थानमा उक्लेको थियो ।
त्यसअघि आर्सनल र टोटेनह्याम अल अलग खेलमा गोल रहित बराबरीमा रोकिएका थिए । ९ खेलपछि आर्सनल र लिभरपुलको समान २० अंक छ । गोलअन्तरमा आर्सनल शीर्षस्थानमा छ । १ खेल कम खेलेको म्यानचेस्टर (१९) सिटी तेस्रो स्थानमा छ । ९ खेलमा टोननह्यामको पनि १९ अंक नै छ । सिटीले आइतबार साउथह्याम्टनसँग घरेलु मैदानमा प्रतिस्र्धा गर्दैछ ।

आर्सनल र मिडल्स ब्रोले गोलरहित बराबरी खेल्ने अघि टोटेनह्यामले पनि ब्रोनमाउथसँगको खेलमा अंक बाँडेको थियो । टोनह्यामको खेल पनि गोलरहित बराबरीमा रोकिएको थियो ।
अन्य खेलमा साविक विजेता लिचेस्टर सिटी, स्टोक सिटी, बर्नली, वेस्ट ह्याम विजयी भएका थिए । लिचेस्टरले क्रिस्टिल प्यालेसलाई ३–१, स्टोकले हल सिटीलाई २–०, बर्नलीले एभर्टनलाई २–१, वेस्ट ह्यामले सन्डरल्यान्डलाई १–० ले हराएको थियो । स्वान्सी र वार्टफोर्डको खेल गोलरहित बराबरीमा टुंगिएको थियो ।