default_image

8 years ago

October 21, 2016

एन्फाको निर्वाचन कात्तिक ८ गते नै हुने

94 views

0 Bookmark

काठमाडौं (हाम्रो खेलकुद) – अखिल नेपाल फुटबल संघ (एन्फा) को निर्वाचन तोकेकै मिति कात्तिक ८ गते हुने भएको छ । उच्च अदालत पाटनले शुक्रबार निर्वाचन रोक्नु नपर्ने आदेश दिएपछि एन्फा अध्यक्ष र एक उपाध्यक्षको सोमबार निर्वाचन गराउन बाटो खुलेको हो।

anfa

एन्फाका पूर्व महासचिव लोकबहादुर शाही र पूर्व फिफा सहायक रेफ्री विनोद केसीले अवैधानिक ढंगले हुन लागेको निर्वाचन रोक्न भन्दै असोज १४ रिट दायर गरेका थिए । उच्च अदालतले छलफलका लागि शुक्रबार दुवै पक्षलाई बोलाएको थियो । भीमकुमार ओझा र डिल्लीराज आचार्यको संयुक्त इजलासले निर्वाचन रोक्न नपर्ने आदेश सुनाएको हो ।

मुद्दाको अन्तिम किनारा भने लाग्न बाँकी छ । शाही र केसीले युवा तथा खेलकुद मन्त्रालय, राष्ट्रिय खेलकुद परिषद्, एन्फा र एन्फाले गठन गरेको निर्वाचन समितिलाई विपक्षी बनाउँदै रिट दायर गरेका थिए । एन्फाका कानुनी सल्लाकार एवंम् निर्वाचन समितिका संयोजक सुजित केसीले निर्वाचन गर्न बाटो खुलेको जनाउँदै अन्तिम फैसला हुन बाँकी रहेको बताए । एन्फा निर्वाचन कमिटीले कात्तिक ८ गते रिक्त अध्यक्ष र उपाध्यक्ष पदका लागि निर्वाचन मिती तोकेको थियो ।

तत्कालिन अध्यक्ष गणेश थापालाई फुटबलको फिफाले आर्थिक अनियमितता गरेको अभियोगमा १० वर्षे प्रतिबन्धका साथै झन्डै २१ लाख रुपैयाँ जरिवाना तोकेपछि एन्फा अध्यक्षको पद रिक्त रहेको थियो । त्यस्तै उपाध्यक्ष तथा तत्कालिन कार्यवाहक अध्यक्ष ललितकृष्ण श्रेष्ठको करेन्ट लागेर गत बर्ष मृत्यु भएपछि एक उपाध्यक्ष पद पनि खाली रहेको थियो । सोमबार हुने निर्वाचनका लागि अध्यक्षमा कार्यवहाक अध्यक्ष नरेन्द्र श्रेष्ठ र उपाध्यक्ष कर्मा छिरिङ शेर्पाको उम्मेदवारी परेको छ । त्यस्तै उपाध्यक्षमा उपेन्द्रमान सिंह, दीपक खाती र मणी कुँवरले उम्मेदवारी दिएका छन् ।

March 17, 2025

एपिएफको जितमा रश्मिको ह्याट्रिक

सुशील पन्त क्षेत्री,चितवन विभागीय टोली एपिएफ फुटबल क्लबले सोमवार चितवनमा जारी राष्ट्रिय महिला फुटबलमा फराकिलो जित निकालेको छ । एपिएफले बागमती युथ क्लबलाई ९-० को फराकिलो जित निकालेको हो । भरतपुर ७ कृष्णपुरमा भएको एफतर्फी खेलमा एपिएफलाई फराकिलो जित दिलाउन रश्मिकुमारी घिसिङले ह्याट्रिक गरिन् । सरु लिम्बु २, रेनुका नगरकोटे, अनिता केसी, गीता राना मगर […]

March 17, 2025

वीरगन्ज युनाइटेडको पहिलो जित

काठमाडौं (हाम्रो खेलकुद) – शहिद स्मारक बी डिभिजन लिगमा वीरगन्ज युनाइटेड क्लबले पहिलो जित निकालेको छ । वीरगन्जले श्री कुमारीलाई २-० गोल अन्तरले हरायो । वीरगन्जको जितमा विपिन तुमसिंह मगर र कृपाकान्त महतो थारूले एक-एक गोल गरे । एन्फा कम्पलेक्समा आज भएको खेलमा वीरगन्जले सुरूवातमा नै अग्रता बनायो । उसको लागि खेलको १२ औं मिनेटमा […]

March 17, 2025

झापामा एनएसएलको ट्रफी प्रदर्शन

हिमाल खरेल, बिर्तामोड नेपाल सुपर लिग (एनएसएल) ट्रफी झापाका विभिन्न स्थानमा प्रदर्शन गरिएको छ । काठमाडौंमा चैत १६ गते सुरु हुने एनएसएलको ट्रफी आज झापा जिल्ला खेलकुद विकास समितिअन्तर्गत मेची रंगशाला भद्रपुरमा प्रदर्शन गरिएको झापा तथा भद्रपुर झापा गोल्डकपका सचिवालयले जानकारी दिइएको छ। रंगशाला परिसरमा आयोजित ट्रफी प्रदर्शनी कार्यक्रममा समितिका अध्यक्ष प्रशान्त भण्डारी, नेपाल उद्योग […]

Success

Thank you for your time.