default_image

4 years ago

April 6, 2021

एएफसी कप छनोट : आर्मीको लक्ष्य अन्तिम चरण

121 views

0 Bookmark

काठमाडौं (हाम्रो खेलकुद) – त्रिभुवन आर्मी फुटबल क्लबले एएफसी कपको दक्षिण एसियाली प्रारम्भिक छनोट अन्तर्गत प्लेअफको पहिलो खेलमा बुधबार श्रीलंका पुलिस स्पोर्ट्स क्लबको सामना गर्दैछ । खेल नेपाली समयानुसार साँझ ५:३० बजे दशरथ रंगशालमा हुनेछ ।

खेलका लागि श्रीलंकाली टोली दुई दिन अघि नै नेपाल आइपुगिसकेको थियो । खेलको पूर्वसन्ध्यामा आयोजित पत्रकार सम्मेलनमा बोल्दै प्रशिक्षक ले टोलीले थोरै तयारी गरेपनि राम्रो नतिजा ल्याउने प्रयास गर्ने बताए । उनले कोभिड-१९ संक्रमणका कारण आफ्ना खेलाडी पुलिस ड्युटीमा व्यस्त रहेकाले फुटबल प्रशिक्षण राम्रो गर्न नसकेको बताए ।

‘हामीले खेलका लागि लामो तयारी गरेका छैनौं । हाम्रा सबै खेलाडी पुलिस ड्युटीमा खटिएका कारण फुटबल प्रशिक्षण हुन सकेन । जनवरीको अन्तिमतिर मात्र हाम्रा खेलाडी एकसाथ जम्मा भएका हुन् । त्यसपछि दुई महिना प्रशिक्षण गरेर हामी नेपाल आएका हौं,’ उनले भने ।

यता आर्मीका प्रशिक्षक नविन न्यौपानेले टोलीको तयारी निकै राम्रो भएको बताए । ‘ हाम्रो तयारी निकै राम्रो भएको छ । गत साता किर्गिस्तानको यू-२३ टोलीविरुद्ध खेल्न पाउनुले हामीलाई धेरै फाइदा पुगेको छ । हामीले आफ्नो तयारी कुन स्तरमा थियो भन्ने मापन गर्न पायौं,’ उनले भने ।

त्यसो त आर्मीले गत साता हेटौंडा गोल्डकपमा क्यामरुनको अफ्रिकन रुट्ससँग प्रतिस्पर्धा गरेको थियो । त्यस खेलले पनि आर्मीको तयारीमा सहयोग पुगेको न्यौपानेको भनाइ छ । ‘हामीले अफ्रिकी टोलीसँग खेल्दा शारीरिक रुपमा बलिया खेलाडीसँग कसरि खेल्ने भन्ने भेउ पायौं । श्रीलंका पुलिससँग पनि तीन अफ्रिकी खेलाडी छन् । हामीले उनीहरुविरुद्ध पनि रणनीति बनाएका छौं । हरेक टोलीमा आफ्नो बलिया खेलाडी हुन्छन् नै, त्यसको सामना गर्न हामी तयार छौं,’ न्यौपानेले थपे ।

टोलीका कप्तान भरत खवासले आर्मीका लागि यो राम्रो अवसर रहेकाले खेलाडीहरु त्यसलाई सदुपयोग गर्न तत्पर रहेको बताए । ‘क्लब लाइसेन्स प्राप्त गर्नु र यस्तो प्रतियोगिता खेल्न पाउनुलाई हामीले अवसरको रुपमा लिएका छौं । हाम्रो तयारी पनि राम्रो भएको छ । आशा गरौं भोलि हाम्रो तयारी अनुसार प्रदर्शन हुनेछ,’ उनले भने ।

एएफसी कपमा आर्मीले यसपटक समूह चरण पुग्न प्लेअफका तीन खेल जित्नुपर्ने हुन्छ । प्रशिक्षक न्यौपानेले हाललाई समूह चरण पुग्ने आर्मीको लक्ष्य रहेको बताएका छन् । एएफसीले सार्वजनिक गरेको खेल तालिका अनुसार दक्षिण एसियाको प्लेअफ छनोटबाट अघि बढ्ने टोली एएफसी कपको समुह ‘डी’ मा रहनेछ । आर्मीले दक्षिण एसियाबाट प्लेअफ जित्दै समूह चरणमा स्थान बनाउन तीन नकआउट खेल जित्नुपर्नेछ । पहिलो खेलमा आर्मीले श्रीलंका पुलिसलाई पराजित गरे दोस्रो खेलमा भारतको बेंगलुरु फुटबल क्लबको सामना गर्नेछ ।

बेंगलुरुविरुद्ध खेल भने १४ अप्रिलमा गोवास्थित जीएमसी रंगशालामा हुनेछ । उक्त खेल जितेमा आर्मीले २१ अप्रिलमा प्लेअफ फाइनलमा खेल्नेछ । प्लेअफकै अर्को पोलमा माल्दिभ्सको क्लब इगल्स र भुटानको थिम्पु सिटीली माल्दिभ्समा खेल्नेछन् । उक्त खेलको विजेताले अबहानी लिमिटेड ढाकासँग बंगलादेशमा खेल्नेछ । उक्त खेलको विजेताले अर्को पोलको विजेतासँग खेल्नेछ ।

प्रतियोगिताको समूह डीमा दक्षिण एसियाका ४ टोली समावेश हुनेछन् । प्लेअफबाट १ टोली छनोट हुँदा तीन टोलीको स्थान भने पक्का भइसकेको छ । भारतबाट एटिके मोहुन बगान, बंगलादेशको बसुन्धारा किंग्स र माल्दिभ्सको माजिया स्पोर्ट्स घरेलु लिगको स्थानका आधारमा समूहमा स्थान बनाउन सफल भएका हुन् ।

समूह चरणका खेलहरु १४ मे देखि सुरु हुनेछ । प्लेअफका छनोट भने ७ अप्रिलदेखि नै सुरु हुनेछन् । आर्मीले एएफसीको क्लब लाइसेन्स प्राप्त गरेपछि लिग च्याम्पियन मछिन्द्रको स्थानमा एएफसी कप खेल्न पाएको हो ।

November 24, 2024

शीर्ष स्थानको बार्सिलोना बराबरीमा रोकियो

एजेन्सी – स्पेनिस ला लिगाको शीर्ष स्थानमा रहेको बार्सिलोना बराबरीमा रोकिएको छ । आइतवार बिहान भएको खेलमा बार्सिलोना सेल्टा डि भिगोसँग २-२ को बराबरीमा रोकिएको हो । घरेलु मैदान बालाइडोस स्टेडियममा भएको खेलमा सेल्टाको लागि ह्युगो अल्भारेज र अल्फोन गोन्जालेजले गोल गरे पाहुना टोलीका लागि भने राफिन्हा र रोबर्ट लेवान्डोस्कीले गोल गरेका थिए । खेलको […]

November 24, 2024

म्यानचेस्टर सिटीमाथि टोटेनहमको सानदार जित

एजेन्सी – टोटेनहम हटस्परले इंग्लिस प्रिमियर लिगमा साविक विजेता म्यानचेस्टर सिटीमाथि सानदार जित दर्ता गरेको छ । टोटेनहमले सिटीलाई उसकै घरेलु मैदानमा ४–० को लज्जास्पद हार चखाएको हो । इतिहाद स्टेडियममा शनिबार राति भएको खेलमा टोटेनहमलाई जिताउन जेम्स म्याडिसनले दुई तथा पेड्रो पोरो र ब्रेनन जोन्सनले समान एक गोल गरे । पहिलो र दोस्रो हाफमा […]

November 23, 2024

चेल्सीले लेस्टरलाई हरायो

एजेन्सी – इङ्लिस प्रिमियर लिगमा शनिवार चेल्सीले लेस्टर सिटीलाई २-१ ले पराजित गरेको छ। निकोलस ज्याक्सन र एन्जो फर्नान्डेजको गोल चेल्सी विजयी भएको हो। प्रिमियर लिगमा चेल्सीको यो सिजनमा यो छैटौं जित हो। किङ्स पावर स्टेडियममा चेल्सीले सुरुआतदेखि नै घरेलु टाेली लेस्टरमाथि दबदबा कायम राखेको थियो। १५औं मिनेटमै फर्नान्डेजकै क्रसमा ज्याक्सनको गोलमा चेल्सी अग्रता लियो । ७५औं मिनेटमा […]

Success

Thank you for your time.