काठमाडौं (हाम्रो खेलकुद) – नैकाप गोल्डकप फुटबल प्रतियोगिताको दोस्रो दिन ब्लू बेल एफसी बाड भन्ज्याङ, वेस्ट काठमाडौं नैकाप र महादेव युथ क्लब रामकोट विजयी हुँदै दोस्रो चरणमा पुगेका छन् ।
ब्लू बेलले एनआरएफएफए सिनामंगललाई टाइब्रेकर ५–३ ले हराएको थियो । यी दुई टोलीबीच खेलको निर्धारित समयमा २–२ को बराबरीमा टुंगिएको थियो । खेलमा एनआरएफएफएले अग्रता लिएको थियो । सुनिल गौतमले पहिलो गोल गरेका थिए तर ब्लू बेलका विक्रोस पोखरेलले बराबरी गोल फर्काए ।
मनोज बूढाथोकीले गोल गर्दैै एनआरएफएफएका लागि

दास्रो पटक अग्रता दिलाए । किशोर गुरुङको गोलबाट ब्लू बेलले पुनः खेललाई बराबरीमा पुर्याएको थियो । ब्लु बेलका मुकेश राई खेलको म्यान अफ दि म्याच चुनिए ।
वेष्ट काठमाण्डौले बिआर बर्दर थानकोटलाई २–१ ले हरायो । वेष्ट काठमाण्डौका लागि दुवै गोल अब्दुल्लाले गोल गरे । उनी नै खेलको म्यान अफ दी म्याच गरे । पराजित टोलीका लागि करण तामाङले गोल गरे ।
दिनको अन्तिम खेलमा महादेवले बैरेनी युथ गुर्प,बैरेनी धादिङलाई टाइब्रेकरलाई ४–३ हरायो । खेलको निर्धारित समय १–१ को टुंगिएको थियो । रोहित दाहालको गोलमा महादेवले पहिलो हाफमा अग्रता लिएको थियो । दोस्रो हाफमा बैरेनीका लागि कंडेलले बराबरी गोल गरे । महादेवका राजेश कुवर खेलको म्यान अफ दी म्याच चुनिए ।