काठमाडौं (हाम्रो खेलकुद) – नेपाल सुपर लिग (एनएसएल) को टोली धनगढी एफसी नाइजेरियाली प्रशिक्षक तोपे अयोडेजी फुजालाई प्रशिक्षक नियुक्त गरेको छ । धनगढीले बिहीबार प्रेस विज्ञप्ती जारी गर्दै अर्को महिना सुरु हुने एनएसएलका लागि फुजालाई प्रशिक्षक नियुक्त गरेको जनाएको छ ।

फुजा नेपाली फुटबलका लागि भने नयाँ नाम होइन । उनी सहिद स्मारक ए डिभिजन लिगको सर्वाधिक सफल टोली मनाङ मस्र्याङ्दी क्लबका पूर्व प्रशिक्षक हुन् । उनको नेतृत्वमा मनाङले २०७५ मा लिग उपाधि जितेको थियो । त्यो मनाङको कीर्तिमानी आठौं लिग उपाधि थियो । गत सिजन पनि उनको नेतृत्वमा मनाङ लिगमा तेस्रो भएको थियो ।

गो ड्रिमर्स प्रा.लि.को स्वामित्वमा रहेको धनगढीले एनएसएलका लागि टोली बनाउने प्रक्रियामा हामी धेरै अगाडि बढिसकेको पनि जनाएको छ । छौं । सन् २००५ मा मलेसियाको सवाह एफसीमा सहायक प्रशिक्षकको रुपमा कोचिङ करिअर सुरु गरेका फुजाले नेपालको ए डिभिजन लिग डेब्यू मछिन्द्र क्लब (२००६) बाट गरेका थिए । त्यसपछि भारतमा व्यस्त रहेका उनले सिमला योङ, मुम्बई युनाइटेढ, पियरलेस, हिन्दुस्तान एफसी, टलिगन्ज अग्रगामी, मोहम्मडन स्पोटिङ र चेन्नाई एफसीको टिम सम्हालेका थिए ।

धनगढीले राष्ट्रिय टोलीका मिडफिल्डर विशाल राई मार्की खेलाडीका रुपमा अनुबन्धन गरेको थियो । गो ड्रिमर्स प्रा.लि.का प्रमुख सुवास शाहीले देशमै पहिलोपल्ट हुन लागेको फ्रेन्चाइज फुटबल प्रतियोगिताको धनगढी एफसीको प्रशिक्षकमा तोपे फुजालाई आबद्ध गर्न पाउँदा एकदमै खुसी लागेको बताएका छन् ।

गो ड्रिमर्स प्रा.लि.का प्रमुख सुवास शाहीले देशमै पहिलोपल्ट हुन लागेको फ्रेन्चाइज फुटबल प्रतियोगिताको धनगढी एफसीको प्रशिक्षकमा तोपे फुजालाई आबद्ध गर्न पाउँदा एकदमै खुसी लागेको बताएका छन् । फुजाले नेपालसहित दक्षिण एसियाली फुटबललाई नजिकबाट हेरिरहेको उल्लेख गर्दै शाहीले नेपाली खेलाडीको स्तर र क्षमताबारे जानकार रहेकोले उनको अगामनले धनगढी एफसीेले सुपर लिगमा उत्कृष्ट प्रदर्शन गर्ने विश्वास लिएको बताएका छन् ।

प्रशिक्षक फुजाले महत्वपूर्ण जिम्मेवारी पाउँदा निक्कै खुसी र उत्साहित रहेको बताए । उत्कृष्ट मार्की प्लेयर र टिमको सम्पर्कमा रहेका बिदेशी खेलाडीहरूले गर्दा मलाई धनगढी एफसीमा सामेल हुने आग्रह स्वीकार्न समय लागेन , उनले क्लबमार्फत भनेका छन्, क्लबको व्यवस्थापन र टिम मालिकको लक्ष्य देखेर म निक्कै प्रभावित भएको छु । र, हाम्रो लक्ष्य उपाधि जित्ने नै हो ।