default_image

8 years ago

October 5, 2016

ए डिभिजन अझै अन्योलमा, बी डिभिजन सम्पन्न

94 views

0 Bookmark

काठमाडौं (हाम्रो खेलकुद) – सहिद स्मारक ए डिभिजन लिग आयोजना अन्योलमै रहँदा बी डिभिजन लिग बिहीबार औपचारिक रुपमा सम्पन्न भएको छ । हरेक बर्ष हुनु पर्ने ए लिग यसपटक अखिल नेपाल फुटबल संघ (एन्फा) को अध्यक्ष र एक उपाध्यक्षको निर्वाचनका कारण मिति तय हुन सकेको छैन । एन्फाको निर्वाचन कात्तिक ८ गतेका लागि तय भएको छ । तर पाटन उच्च अदालतले कात्तिक ५ गते सम्मका लागि सबै निर्वाचन प्रक्रिया स्थगन गर्नुभनेपछि एन्फाको निर्वाचनसँगै ए लिग थप अन्योलमा परेको छ । कम्तिमा बी डिभिजन भने यसपटक टुंगिएको छ । भदौ ५ गते सुरु भएको लिगबाट च्यासल युथ क्लब विजेता र न्युरोड टिम (एनआरटी) उपविजेताका रुपमा ए डिभिजनमा बढुवा भइसकेका छन् ।

chyasal-5
बिहीबार समापनमा अधिकांश व्यक्तिगत पुरस्कार भने यीनै विजेता उपविजेता टोलीले जितेका छन् । च्याम्पियन च्यासलका प्रशिक्षक चेतनारायण श्रेष्ठ स्वतः उत्कृष्ट प्रशिक्षक घोष्ति भएका छन् । उनकै खेलाडी राजाबाबु थापा उत्कृष्ट गोलकिपर र चेतन थारु उत्कृष्ट रक्षक बने । एनआरटीका सुशिल लामा उत्कृष्ट मिडफिल्डर बने । खुमलटारका कप्तान सुरज राउत उत्कृष्ट फरवार्ड छानिए । उत्कृष्ट हुनेले जनही २५ हजार रुपैयाँ प्राप्त गरे ।
बाँसबारी युवा क्लबमाथि मंगलबार ५–० को जित निकाल्दै च्यासल विजेत ाबनेको थियो ।सातदोबाटो युवा क्लबलाई २–० ले हराएको एनआरटी गोलअन्तरमा पछि पर्दै दोस्रो स्थानमा सिमित भएको थियो । २०७० यता पहिलो पटक आयोजित बी डिभिजन लिगबाट नै आठ दशक लामो इतिहास बोकेको एनआरटी बढुवा हुन सफल भएको छ । समान २८ अंक जोडेको दुई टोली मध्ये १ गोलले माथि रहेको च्यासल गोलअन्तरका आधारमा विजेता बन्यो भने र एनआरटी दोस्रो भएको थियो ।
च्यासलले ट्रफीसहित ५ लाख र उपविजेता एनआरटी युरोडले २ लाख ५० हजार रुपैयाँ प्राप्त ग¥यो । तेस्रो टोली रानीपोखरी टिम (आरसिटी) ले १ लाख ५० हजार तथा चौथो टोली सातदोबाटो युवा क्लबले ७५ हजार रुपैयाँ पायो ।

nrt-2
राष्ट्रिय खेलकुद परिषद् (राखेप) का सदस्य सचिव केशवकुमार विष्ट, आयोजक अखिल नेपाल फुटबल संघ (एन्फा) का कार्यवहाक अध्यक्ष नरेन्द्र श्रेष्ठ, उपाध्यक्ष कर्मा छिरिङ शेर्पालगायतले विजेता उपविजेता टोलीका खेलाडीलाई पुरस्कृत गरे ।
लिगको अन्तिम दिन बिहीबार एन्फा कम्प्लेक्समा भुवन बस्नेतको ह्याट्रिकको मद्दतमा रेलिगसेनमा परिसकेका दुई टोलीबीचको प्रतिस्पर्धामा सामाजिकले मध्यपुर युथ एसोसिएसनलाई ४–३ ले हराएको छ । पहिलो मिनेटमा गोलको खाता खोलेका भुवनले २४ औं र ६६ औं मिनेटमा गोल थप्दै ह्याट्रिक पुरा गरेका थिए । टोलीका सुरेश खत्रीले दोस्रो मिनेटमा अर्को गोल गरेका थिए । मध्यपुरका लागि सविन डंगोलले ३५ औं, यमन राजवहाकले ८६ औं र सन्तोष सिंह ठकुरीले इन्जुरी समयको दोस्रो मिनेटमा गोल गरेका थिए ।
भदौ ५ गते देखि एन्फा कम्प्लेक्स सातदोबाटो र हलचोक स्थित शसस्त्र प्रहरी बलको मैदानमा सञ्चालित लिगबाट महावीर र सामाजिक रेलिगेसनमा परेका थिए ।

chyasal-1-2

March 17, 2025

एपिएफको जितमा रश्मिको ह्याट्रिक

सुशील पन्त क्षेत्री,चितवन विभागीय टोली एपिएफ फुटबल क्लबले सोमवार चितवनमा जारी राष्ट्रिय महिला फुटबलमा फराकिलो जित निकालेको छ । एपिएफले बागमती युथ क्लबलाई ९-० को फराकिलो जित निकालेको हो । भरतपुर ७ कृष्णपुरमा भएको एफतर्फी खेलमा एपिएफलाई फराकिलो जित दिलाउन रश्मिकुमारी घिसिङले ह्याट्रिक गरिन् । सरु लिम्बु २, रेनुका नगरकोटे, अनिता केसी, गीता राना मगर […]

March 17, 2025

वीरगन्ज युनाइटेडको पहिलो जित

काठमाडौं (हाम्रो खेलकुद) – शहिद स्मारक बी डिभिजन लिगमा वीरगन्ज युनाइटेड क्लबले पहिलो जित निकालेको छ । वीरगन्जले श्री कुमारीलाई २-० गोल अन्तरले हरायो । वीरगन्जको जितमा विपिन तुमसिंह मगर र कृपाकान्त महतो थारूले एक-एक गोल गरे । एन्फा कम्पलेक्समा आज भएको खेलमा वीरगन्जले सुरूवातमा नै अग्रता बनायो । उसको लागि खेलको १२ औं मिनेटमा […]

March 17, 2025

झापामा एनएसएलको ट्रफी प्रदर्शन

हिमाल खरेल, बिर्तामोड नेपाल सुपर लिग (एनएसएल) ट्रफी झापाका विभिन्न स्थानमा प्रदर्शन गरिएको छ । काठमाडौंमा चैत १६ गते सुरु हुने एनएसएलको ट्रफी आज झापा जिल्ला खेलकुद विकास समितिअन्तर्गत मेची रंगशाला भद्रपुरमा प्रदर्शन गरिएको झापा तथा भद्रपुर झापा गोल्डकपका सचिवालयले जानकारी दिइएको छ। रंगशाला परिसरमा आयोजित ट्रफी प्रदर्शनी कार्यक्रममा समितिका अध्यक्ष प्रशान्त भण्डारी, नेपाल उद्योग […]

Success

Thank you for your time.