काठमाडौं (हाम्रो खेलकुद) – आगामी नोभेम्बर २ तारिखबीट सुरु हुने एएफसीको सोलिडारीटि कपको लागि राष्ट्रिय टोलीले विगत एक महिनायता प्रशिक्षण गरिरहेको छ।

हाल राष्ट्रिय टोलीको प्रशिक्षणलाई ३२ खेलाडीलाई बोलाइएपनि थ्रि स्टार क्लब गुहावटिमा रहेकाले पुरै टोली उपलब्ध हुन सकेको छैन। राष्ट्रिय टोलीको महत्वपूर्ण प्रतियोगिता नजिकिंदै गरेको अवस्थामा पनि क्लबसंग पुर्ण रुपमा अनुबन्धन नभएका खेलाडीहरुलाई प्रशिक्षण छोड्न स्विकृति दिनु उचित हैन।

प्रशिक्षणमा कम खेलाडी उपलब्ध गराइनु त छदैं छ, त्यसमाथि पनि भएका केहि खेलाडीहरु पनि फुटसलमा संलग्न भएको बुझिएको छ। राजधानिमा गतसाताबाट सुरु भएको फुटसल प्रिमिएर लिगमा राष्ट्रिय टोलीका कमल श्रेष्ठ, दिनेश राजवंशी लगाएतका खेलाडिहरुले सहभागिता जनाइरहेका छन्। राष्ट्रिय टोलीको प्रशिक्षणमा रहेका खेलाडीहरुले अनाधिकृत रुपमा फुटसलमा सहभागिता जनाउनु पक्कैपनि राम्रो हैन।

बेलैमा यस्तो कमी कमजोरीलाई नसच्याउने हो भने चोटका कारण खेलाडी गुमाउनुपर्ने अवस्था सिर्जना हुन सक्ने सम्भावना कायम छ। प्रशिक्षणमा रहेका खेलाडीहरुले अन्य ठाउँमा गएर खुलारुपमा खेल्दा टोलीकै प्रदर्शनमा पनि गिरावट आउन सक्छ।