असोज १२, गुवाहाटी ।
बोर्डोलोई ट्रफीको पहिलो सेमिफाईनलमा आज सिक्किम युनाईटेडबिरुद्ध उत्रन लागेको नेपालको थ्रीस्टार क्लबले मुख्य स्ट्राईकरमा असिमजंग कार्कीलाई समावेश गर्दै प्रारम्भिक ११ खेलाडीको नाम सार्वजनीक गरेको छ।

चोटका कारण पुरानै लयमा फर्कन संघर्षरत असिमलाई प्लेईङ सेटमा समावेश गर्दै मुख्य प्रशिक्षक मेघराज केसीले सेमिफाईनलका लागि प्रारम्भिक ११ खेलाडीको सुचि सार्वजनीक गरेका छन् । क्लबको फरवार्ड लाईनमा असिमलाई अफ्रिकन खेलाडी मार्टिनको साथ रहनेछ । लिग चरणमा स्ट्राईकरको भुमिकामा रहेका विमल घर्तिमगरलाई प्रशिक्षक केसीले विङ्गरको जिम्मेवारी सुम्पिएका छन् । लिग चरणको अन्तिम खेलमा चोट बोकेका आक्रमक मिडफिल्डर बुद्ध चेम्जोङको स्थानमा विमलले खेल्नेछन् । आज रेगुलर गोलरक्षक एलेनको स्थानमा बिनय श्रेष्ठले सुरु गर्ने छन ।

रुस्लान थ्री स्टारको सुरुवाती ११: बिनय श्रेष्ठ ; विष्णु सुनुवार, विजय धिमाल, रेजिन धिमाल,देबेन्द्र तामाङ; बिक्रम लामा, निराजन खड्का, सुनिल वल, बिमल घर्तिमगर; असिम जङ कार्की, मार्टिन 

मिडफिल्डमा विमलसंगै कप्तान बिक्रम लामा, निराजन खड्का र सुनिल वल रहनेछन् । यस्तै दोहोरो पहेलो कार्डका कारण सेमिफाईनल गुमाएका सेन्टर डिफेन्डर पिटरको स्थानमा विष्णु सुनुवारले खेल्नेछन् । एक खेलको निलम्बन परेका विजय धिमाल, रेजिन धिमाल र देबेन्द्र तामाङले थ्रीस्टारको डिफेन्स लाईन सम्हाल्ने मुख्य प्रशिक्षक केसीको भनाई छ । भारतको गुवाहाटीको नेहरु स्टेडियममा हुने खेल स्थानिय समय अनुसार अपरान्ह साढे ४ बजे सूरु हुनेछ । गर्मीका कारण निर्धारित समय भन्दा खेल आधा घण्टा ढिला सारिएको हो ।

थ्रीस्टार समुह एको विजेता र सिक्किम युनाईटेड समुह बीको उपविजेता बन्दै सेमिफाईनल प्रवेश गरेका हुन् । भारतको प्रतिष्ठित फुटबल प्रतियोगिता बोर्डोलोई ट्रफीको यो ६४ औ संस्करण हो ।

स्रोत: एनएसजिएफ