एजेन्सी – इंग्लिस प्रिमियर लिगमा आज राति विभिन्न चार खेलमा प्रतिस्पर्धा हुदैछ । चोटसँग जुधिरहेको लिभरपुलले लयमा रहेको लेस्टर सिटीसँग प्रतिस्पर्धा गर्दा लिड्स युनाइटेडले आर्सनलसँग खेल्दैछ ।

लिभरपुल र लेस्टर सिटीबीचको खेल एनफिल्डमा राति १ बजे हुनेछ । चोटसँग जुधिरहेको लिभरपुल लेस्टर सिटीलाई हराउदै शीर्षस्थानको टोटेनहमसँगको अंक दुरी बराबरी गर्ने लक्ष्यमा हुनेछ । लिभरपुलको ८ खेलबाट १७ अंक रहेको छ । शीर्षस्थानको टोटेनहमको २० अंक रहेको छ ।

लिभरपुलसँग साडियो माने, रोबर्टाे फिर्मिन्हो, डिएगो जोटा, जर्जिन्हो वाइनाल्डम, जेम्स मिल्नर, एन्ड्रिउ रोबर्टसन, नावी केइटा र गोलरक्षक एलिसन बेकर रहनेछन् । चोटका कारण भर्जिल भान डाइक, जोर्डन हेन्डरसन, थियागो अलकान्तरा, भर्जिल भान डाइक, ट्रेन्ट एलेक्सान्डर अर्नाेल्ड, जोए गोमेज, एलृक्स अक्सलेड चेम्वरलेन र कोरोना संक्रमणका कारण मोहम्मद सलाह टोलीमा हुनेछैनन् ।

यता, लयमा रहेको लेस्टर सिटी चोटिलो लिभरपुललाई हराउदै शीर्षस्थानमा उक्लने दाँउमा हुनेछ । लिभरपुलमाथि जित हात पार्न सके लेस्टरले शीर्षस्थानको टोटेनहमलाई एक अंकले पछि पार्नेछ । लेस्टरको १८ तथा टोटेनहमको २० अंक छ ।

लेस्टरका लागि जेमी भार्डी, जेम्स म्याडिसन, डेनिस प्रायट, जेम्स जस्टिन, युरी टिलेमान्स, टिमोथी कास्टाग्ने, जोनी इभान्स र गोलरक्षक कास्पर रहनेछन् ।

यि दुई टोलीबीचको पछिल्लो १४ भेटमा लिभरपुल ९ खेलमा विजयी भएको छ । २ खेल बराबरीमा सकिदा ३ खेल लेस्टरले आफ्नो पक्षमा पारेको छ । लिभरपुल लेस्टरसँग २०सेप्टेम्वर २०१७ को इएफएल कपमा २–० ले पराजत भएयता अपराजित छ । लिभरपुल सोही अपराजित यात्रालाई निरन्तरता दिने दाँउमा रहँदा लेस्टर लिभरपुललाई हराउने लक्ष्यमा हुनेछ ।

अन्य खेल
फुलहमविरुद्ध एभर्टन (साँझ ५ः१५ बजे), सेफिल्डविरुद्ध वेस्टह्याम (राति ७ः४५ बजे) र लिड्सविरुद्ध आर्सनल (राति १०ः१५ बजे)