काठमाडौं (हाम्रो खेलकुद) – अखिल नेपाल फुटबल संघ (एन्फा) का अध्यक्ष कर्मा छिरिङ शेर्पालाई कोरोना संक्रमण भएको छ । शेर्पाले बिहीबार पिसिरआर टेष्टको रिर्पोट पोजेटिभ आएको बताएका छन् ।

३ दिन असजिलो महसुस गरेयता होम आइसोलेसनमा रहेको जनाउँदै शेर्पाले पिसिआर टेष्ट गराएको बताए । अहिले भने आफुमा कुनै लक्षण नरहेको शेर्पाले जनाएका छन् । उनले आफ्नो संम्पर्कमा आउनेलाई सचेत रहन पनि आग्रह गरेका छन् ।

यसैबीच, राष्ट्रिय खेलकुद परिषद (राखेप) का पुर्व उपाध्यक्ष र नेपाल ओलम्पिक कमिटी (एनओसी) का उप महासचिव पिताम्बर तिम्सिनालाई पनि कोरोना संक्रमण पुष्टी भएको छ । उनले सामाजिक सन्जालमार्फत आफुलाई कोरोना पोजेटिभ भएको जानकारी दिएका छन् । तिम्सिनाले आफनो सम्पर्कमा रहेकालाई विशेष आवधानी अपनाउन आग्रह गरेका छन् ।

नेपाल भलिबल संघका उपाध्यक्ष कुमारराज सुवेदीको परिवारलाई कोरोना संक्रमण भएको छ । सुवेदीले आफु र उनी श्रीमतिलाई सामान्य लक्षण र छोरालाई विना लक्षण संक्रमण भएको जनाएका छन् ।

यसअघि कोरोना संक्रमण देखिएका खेलाडी खेलकर्मी भने कोरोना मुक्त भइसकेका छन् । नेपालका लागि पहिलो अन्तर्राष्ट्रिय पदक दिलाउने जीतबहादुर केसी, एनओसीका महासचिव निलेन्द्रराज श्रेष्ठ, नेपाल क्रिकेट संघ (क्यान) का अध्यक्ष चतुरबहादुर चन्द सचिव अशोकनाथ प्याकुरेल कोरोना संक्रमण मुक्त भइसकेका छन् ।

यसैगरि ओलम्पियन नैयना शाक्य, उनका श्रीमान राष्ट्रिय महिला बास्केबल टोलीका प्रशिक्षक विकास शाही, स्क्वासका प्रशिक्षक हिरा थापा, फुटबल खेलाडी विशाल श्रेष्ठ, एरिक विष्टले पनि कोरोना संक्रमणलाई जितिसकेका छन् ।