4 years ago
August 24, 2020
एजेन्सी – सात वर्षअघि दुई जर्मन क्लब बायर्न म्युनिख र बोरुसिया डर्टमुन्डले यूईएफए च्याम्पियन्स लिगको फाइनलमा प्रतिस्पर्धा गरेका थिए ।
त्यतिबेला पोलिस फरवार्ड रोबर्ट लेवान्डोस्की डर्टमुन्डबाट बायर्नको रक्षापङ्ति ध्वस्त पार्ने र पहिलोपटक च्याम्पियन्स लिगको उपाधि जित्ने अभियानमा थिए । हुन पनि त्यतिबेला डर्टमुन्डले गज्जबको फुटबल खेल खेल्दा लेवान्डोस्की टोलीका मुख्य हतियार थिए ।
लेवान्डोस्की फाइनलमा चुक्दा डर्टमुन्ड पनि उपाधिबाट बञ्चित बनेको थियो । तर, लेवान्डोस्कीको त्यही खुसी ७ वर्षपछि फर्किएको छ । यसपटक भने बायर्नको जर्सीमा । त्यतिबेला फाइनलमा लेवान्डोस्कीको डर्टमुन्ड बायर्नसँग २–१ ले पराजित भएको थियो । वेम्बली स्टेडियम लन्डनमा भएको फाइनलमा बायर्नका लागि मारियो म्यान्जुकच र आर्जेन रोबेनले गोल गर्दा डर्टमुन्डका इल्केए गुन्डोगानले एक गोल फर्काएका थिए ।
त्यतिबेला बायर्न म्युनिखविरुद्ध आक्रमण बुनेका लेवान्डोस्कीले आइतबार राति बायर्नबाटै ७ वर्षपछि च्याम्पियन्स लिगको उपाधि जित्दै सात वर्षपछि खुसी फर्काएका हुन् । त्यतिबेलाको फाइनल र आइतबार रातिको फाइनलमा गोल गर्न असमर्थ रहेपनि लेवान्डोस्कीले च्याम्पियन्स लिग जित्ने धोको पुरा गरे ।
लेवान्डोस्कीकै उच्च प्रदर्शन प्रेरित बायर्न म्युनिख अपराजित रहँदै च्याम्पियन बन्न सफल भएके थियो । पोर्चुगलको लिस्वनमा आइतबार राति भएको खेलमा बायर्नले फ्रान्सेली क्लब पेरिस सेन्ट जर्मेन (पीएसजी) माथि १–० को झिनो जित निकाल्दै बायर्न पनि ७ वर्षपछि नै च्याम्पियन बन्न सफल भएको थियो ।
त्यतिबेला च्याम्पियन्स लिगमा १० गोल गरेका ३२ वर्षे लेवान्डोस्की यो सिजन १५ गोल गर्दै सर्वाधिक गोल गर्ने खेलाडी बने । जर्मन बुन्डेसलिगामा कीर्तिमान तोड्दै सर्वाधिक गोलकर्ता बनेका लेवान्डोस्की यस वर्षको ब्यालोन डी’ओरका समेत हकदार थिए । तर कोरोनाले सिर्जना गरेको विषम परिस्थतिमा अवार्ड नै रद्द गरिएको छ ।
यो पनि :
November 13, 2024
काठमाडौं (हाम्रो खेलकुद) – नेपालले आयोजक ताजिकिस्तानसँग आज भएको अन्तर्राष्ट्रिय मैत्रीपूर्ण फुटबल खेलमा ४-० पराजित भएको छ। पहिलो हाफमा ३-० ले पछि परेको नेपालले दोस्रो हाफमा १ गोलको सामना गरेको थियो। थ्री नेसन्स मैत्रीपूर्ण फुटबलमा अर्को टोली अफगानिस्तान रहेको छ। नेपालले मंसिर १ गते अफगानिस्तानसँग खेल्नेछ। नेपाली राष्ट्रिय फुटबल टोली गोलकिपर – किरण चेम्जोङ (कप्तान), दीप कार्की […]
November 13, 2024
काठमाडौं (हाम्रो खेलकुद) – नेपाल र आयोजक ताजिकिस्तानबीच आज अन्तर्राष्ट्रिय मैत्रीपूर्ण फुटबल हुँदैछ। खेल नेपाली समयअनुसार साँझ ६:४५ बजे सुरु हुनेछ। नेपाली टोली भारत हुँदै ताजिकिस्तान पुगेको थियो । थ्री नेसन्स मैत्रीपूर्ण फुटबलमा अर्को टोली अफगानिस्तान रहेको छ। नेपालले मंसिर १ गते अफगानिस्तानसँग खेल्नेछ। टोलीका अन्तरिम मुख्य प्रशिक्षक नवीन न्यौपानेले मैत्रीपूर्ण खेलका लागि २३ सदस्यीय टोलीको […]
November 12, 2024
काठमाडौं (हाम्रो खेलकुद) – रोयल गोर्खा एफसीले पाँचौं सहदेव स्मृति कप फुटबल प्रतियोगिताको उपाधि जितेको छ । युएई नेप्लिज फुटबल एसोसिएसन (युएनएफए) को आयोजनामा नेपाली समुदायबीच भएको प्रतियोगिताको फाइनलमा गोर्खा के नाइन एफसीलाई १–० ले हराउँदै रोयल गोर्खाले उपाधि जितेको हो । नविन विकेको निर्णायक गोलमा रोयल गोर्खा विजयी भएको थियो । अनिष श्रेष्ठ प्रतियोगिताको […]
