बर्लिन (एजेन्सी)– रोर्बेट लेवान्डोवस्कीको ह्याट्रिकसँगै बुन्डेसलिगाको पहिलो खेलमा बार्यन म्युनिखले शुक्रबार वेडर बे्रमनलाई ६–० को फरालिो जित हासिल गरेको छ । प्रशिक्षक कार्लो एन्सेलोटीको पहिलो खेलमा जावी अलन्सोले भलीमार्फत नवौं पहिलो गोल गरेका भने लेवान्डोवस्कीले १३ औं मिनेटमा गोलअन्तरलाई दोब्बर पारेका थिए । थिए । कप्तान फिलिप लाहम र फ्रान्क रेबेरीले १/१ गोल गरेको खेलमा लेवान्डोवस्कीले दोस्रो हाफको पहिलो मिनेट र ७६ औं मिनेटमा पेनाल्टीमार्फत गोल गर्दै ह्याट्रिक पुरा गरेका थिए । लाहमले ६६ र रिबेरीले ७३ औं मिनेटमा गोल गरेका थिए ।

साविक विजेता टोलीका ६ मध्ये तीन गोलमा थोमस मुलरले पास मिलाएका थिए । बोरुसिडा डटर्मन्डबाट बार्यन पुगेका रक्षक माट्स हुमेल्सले पुरा समय खेले भने १९ बर्षे मिडफिल्डर रेनाटो कान्चेज वैकल्पिक रुपमा प्रयोग भएका थिए । पेप ग्वार्डिओला म्यानचेस्टर सिटी गएपछि एन्सेलोटीले उनको ठाँउ लिएका थिए । यसै महिना उनले टोलीलाई जर्मन सुपर कप जिताएका थिए ।
जितपछि एन्सेलोटीले भने, ‘इमान्दारीपूर्वक भन्नु पर्दा, मैले धेरै केही परिवर्तन गरेको छैन । यो आफै धेरै बलियो टोली हो । हामीले दमदार सुरुआत गरेका थियो । सुरुमै गोल गरेपछि खेल हाम्रो नियन्त्रणमा रह्यो । सबै ठिक भएको छ । ’
लेवान्डोवस्कीले भने,‘हामीले धेरै राम्रो खेल्यौं । हामीले आक्रामक खेलेको र पुरा खेल नियन्त्रणमा राख्यौं । म खुसी छु । मैले गोल गरे अनि हामी जित्यौं पनि ।’