नवीन लुईटेल/ एनएसजेएफ

एएफसी कप फुटबलको प्लेअफ छनौटको आफ्नो दोस्रो खेलमा नेपालको राष्ट्रिय लिग च्याम्यिपयन रुस्लान थ्रिस्टार क्लबले मंगलबार कम्बोडियाको नागाबल्र्ड क्लबसँग खेल्दै छ ।

मंगोलियाको उलानबटारमा जारी खेल नेपाली समय अनुसार दिउँसोको पौने ३ बजे मंगोलियन फुटबल फेडेरेसनको कृत्रिम मैदानमा हुनेछ । थ्रिस्टारले पहिलो खेलमा मंगोलियाकै एर्चिम क्लबलाई उसकै घरेलु मैदानमा २–० को जित निकालेको थियो ।

समुह बि को यो छनौट प्रतियोगितामा थ्रिस्टार ३ अंक सहित पहिलो स्थानमा छ । शिर्ष स्थानमा भएको हुनाले थ्रिस्टारको अर्को चरणमा जाने संभावना बढि छ । तैपनी विपक्षीलाई कमजोर मानेर लिन नहुने कप्तान विक्रम लामा बताउछन् । नागावल्र्डसँगको खेलमा पुरा शक्ति लगाएर खेलेमा राम्रो नतिजा आउनेमा कुनै दुई मत नै नहुने उनको विश्वास छ । “विपक्षी जस्तो सुकै भएपनि कमजोर मान्न हुन्न ” , उनले भने ,  ” हामी खेलाडीहरुको टिम स्प्रीट राम्रो छ , आशा छ हामीले राम्रो नतिजा अवश्य दिनेछौँ “। 

थ्रिस्टारले एर्चिमसँगको पहिलो खेलमा सुरुवाती १० मिनेट प्रतिद्धन्द्धिको खेल बुझ्ने कोसीस गरेको थियो । जसका कारण पहिलो हाफको १५ मिनेट पछि र दोस्रो हाफमा थ्रिस्टारले राम्रो खेल्न सक्यो ।

पहिलो खेलकै रणनिती दोहोर्‍याउने पक्षमा मुख्य प्रशिक्षक मेघराज केसी रहेका छन् । “एर्चिमसँगको खेलमा जस्तै सुरुको १०–१५ मिनेट हामी उनीहरुको खेल हेर्छौ किनभने हाम्रा लागी नागाबल्र्ड टिम नौलो हो , त्यत्ति बुझेपछि हामीलाई कमजोरी र बलियो पक्ष थाहा हुन्छ र खेलको रणनिती हामी बुन्छौ “, उनले भने । 

उता कम्बोडियाको क्लब नागाबल्र्डका प्रमुख प्रशिक्षक मियास चानाले पर्याप्त तयारी गरेर टोली मंगोलिया आएको बताए। ” हामीले तयारी राम्रै गरेका छौँ  “, उनले भने , “टिमले राम्रो प्रर्दशन गर्नेछ “।

कप्तान सोक रिथीले आफ्नो टिमका खेलाडीका लागी मौसमले साथ नदिएको गुनासो गरे । हाम्रो देशमा भन्दा यहाा धेरै जाडो छ , उनले भने , जाडो भएपनि हामी खेलमा फोकस भएर राम्रो नतिजा दिन्छौँ ।

मंगलबारको खेलमा थ्रिस्टार विजयी भए , स्वत एएफसी कप फुटबलको अर्को चरणमा पुग्नेछ भने अन्य नतिजा आएमा नागाबल्र्ड र एर्चिमवीचको खेलको नतिजा कुर्नुपर्नेछ ।

तीन समूहमा विभाजन गरिएको प्लेअफ छनोट चरणमा नौ टोलीको सहभागिता रहेको छ। तीनै समूहबाट समूह विजेता अर्को चरणमा पुग्नेछ ।