काठमाडौं (हाम्रो खेलकुद)— सधै मैदानमा सक्रिय रहने विभिन्न खेलका दर्जन बढी स्टारहरु राष्ट्रिय गितको म्युजिक भिडियोमा देखिने भएका छन् ।

रामकृष्ण ढकाल र मेलिना राईले आवाजमा रहेको राष्ट्रिय गितको म्युजिक भिडयोमा महिला राष्ट्रिय फुटबल टोलीकी सावित्रा भण्डारी, भलिबल टोलीकी रेश्मा भण्डारीसहित नेपाल एपिएफ क्लबका विभिन्न खेलका खेलाडीले अभिनय गरेका छन् । म्युजिक भिडियोको शुटिङ सोमबार चोभारमा भएको थियो ।

सावित्रा, रेश्मासहित म्युजिक भिडियोमा १३ औं दक्षिण एसियाली खेलकुद (साग) का स्वर्ण पदक विजेतासहित अन्य खेलाडीले अभियन गरेका छन् । जसमा एथलेटिक्सका ५ हजार मिटरका स्वर्ण पदक विजेता गोपीचन्द्र पार्की, जुडोकी देविका खड्का, करातेका लक्ष्मण तामाङ, ओलम्पियन कान्छीमाया कोजु छन् ।

त्यस्तै महिला फुटबल टोलीकी एन्जिला तुम्बापो सुब्बा, क्रिकेटका प्रदीप ऐरी, ज्योति पाण्डे, फुटबलकी निशा थोकर, फुटबलका नवीन लामा, भलिबलका महेन्द्र श्रेष्ठ रहेका छन् । त्यस्तै एपिएफका डिएसपी प्रेम श्रेष्ठ र भलिबलका अन्तर्राष्ट्रिय रेफ्री तथा निरीक्षक विजय केसीले पनि म्युजिक भिडियोमा अभिनय गरेका छन् ।

आनन्द राईको संगित र महेश्वर शर्माको शब्द रहेको उक्त गितको म्युजिक भिडियोलाई युवराज वाईवाले निर्देशन गरेका छन् । म्युजिक भिडियो निर्देशक वाईवाले देशलाई अन्तर्राष्ट्रिय जगतमा चिनाउने खेलाडी भएको राष्ट्रिय गितमा खेलाडीहरुलाई राखिएको बताए । उनका अनुसार झन्डै तीन सातापछि म्युजिक भिडियो सार्वजनिक हुनेछ ।

भिडियो सुटका तस्बिरहरु :