एजेन्सी – जर्मन बुन्डेस लिगाको ३१औं चरणको खेलमा आज (शनिबार) विभिन्न ६ खेलहरु हुँदैछ । बुन्डेस लिगामा शनिबार राति उपाधिनजिक रहेको बायर्न म्युनिखले बोरुसिया मोन्चनेग्लाडबाकको सामना गर्दैछ । खेल बायर्नको घरेलु मैदानमा राति १०ः१५ बजे सुरु हुनेछ ।

घरेलु मैदानमा बायर्न सहज जित निकाल्दै लगातार आठौं सिजन बुन्डेस लिगाको उपाधिलाई थप मजवुत बनाउन चाहन्छ ।  बुन्डेस लिगामा चार चरणको खेल बाँकी रहँदा बायर्नले दोस्रो स्थानको डर्टमण्ड भन्दा ७ अंकले पछि पारेको छ । बायर्नलाई उपाधिको लागि मात्रै दुई जितको खाँचो छ । बायर्नको ३० खेलमा ७० अंक छ । डर्टमुडको ६३ अंक छ ।

बायर्नलाई फरवार्ड रोबर्ट लेवान्डोस्की र थोमस मुलरको अभाव हुन सक्नेछ । उनीहरु दोहोरो पहेंलो कार्डका कारण प्रतिबन्धमा छन् । उनीहरुको विकल्पमा बायर्नको अग्रपङ्ति इभान पेरिसिस, किङ्सले कोमन र सर्जी जिनाब्रीले सम्हाल्नेछन् । लियोन गोरेट्जका, जोसुवा किम्मिच, बेन्जामिन पाभर्ड,म्यानुयल नुएरलगायतका स्टार खेलाडी हुनेछन् ।

यता, मोन्चेनग्लाडबाक घरेलु टोलीलाई पराजित गर्दै  शीर्ष चारको दौडलाई बलियो बनाउन चहान्छ । मोन्चेनग्लाडबाकले गोल अन्तरमा बायर लिभरकुसनलाई पछि पार्दै चौथो स्थानमा रहेको हो । मोन्चेनग्लाडबाकले ५६ अंक छ ।