default_image

5 years ago

June 13, 2020

फाइनल पुग्न नेपोली र इन्टर भिड्दै

119 views

0 Bookmark

एजेन्सी – कोप्पा इटालियाको सेमिफाइनलअन्तर्गत दोस्रो लेगमा आज राति चिरपरिचित प्रतिद्वन्द्वी नेपोली र इन्टर मिलानबीच प्रतिस्पर्धा हुँदैछ । खेल नेपोलीको मैदानमा नेपाली समयअनुसार राति १२ः४५ बजेपछि सुरु हुनेछ ।

नेपोलीले सेमिफाइनलको पहिलो लेगमा इन्टर मिलानलाई उसकै मैदानमा १–० ले पराजित गरेको थियो । पहिलो लेगमा नेपोलीका मिडफिल्डर फावियन रुइजले गोल गरेका थिए । सोही प्रदर्शनलाई झन्डै चार महिनापछि पनि नेपोली निरन्तरता दिने अभियानमा हुनेछ । कोपा इटालिया फेब्रुअरी यता भएको छैन । कोरोना महामारीका कारण इटलीमा मार्च ९ देखि फुटबलका गतिविधि स्थगित छन् ।

खेल बराबरीमा सकिए नेपोलीलाई यही नतिजा फाइनल प्रवेश गर्न पर्याप्त हुनेछ । तर, घरेलु मैदानमा इन्टरलाई पराजित गर्ने लक्ष्यमा नै नेपोली मैदानमा उत्रनेछ । नेपोलीका लागि ड्रिएस मर्टेन्स र फावियन नै टोलीका हतियार हुनेछन् । यता, इन्टर मिलान घरेलु टोली नेपोलीलाई पराजित गर्दै फाइनलमा स्थान बनाउने लक्ष्यका साथ मैदानमा उत्रनेछ । इन्टर मिलानलाई फाइनल पुग्न जितले मात्रै पुग्दैन कम्तीमा पनि २ गोल गरेको जित आवश्यक छ ।

सिरी ‘ए’ मा उच्च प्रदर्शन गरिरहेको इन्टर मिलानका लागि लोउटारो मार्टिनेज, रोमेलु लुकाकु र भिक्टर मोसेसजस्ता स्टार खेलाडीहरुको साथ रहेको छ । यि खेलाडीले नतिजा उल्ट्याउन सक्ने क्षमता राख्दछ । शनिबार राति विजेता हुने टोलीले उपाधिका लागि युभेन्टसको सामना गर्नेछ ।

फाइनल १७ जुनमा हुने तय छ । युभेन्टसले एसी मिलानलाई अवे गोलमा पछि पार्दै फाइनलमा स्थान बनाउन सफल भएको थियो । पहिलो लेग १–१ गोलको बराबरीमा सकिँदा दोस्रो लेग गोलरहित बराबरीमा टुंगिएको थियो । शुक्रबार घरेलु मैदानमा रोनाल्डोले पेनाल्टीमा गोल गर्न नसक्दा एसी मिलान खेलको १७औं मिनेटमा नै १० खेलाडीमा समेटिएको थियो ।

सिरी ‘ए’ २० जुनदेखि शुरु हुँदैछ । इटालियन फुटबल फेडेरेसन (एफआइजीसी) ले सिरी ‘ए’ सुरु गर्नुअघि कोप्पा इटालिया सकाउने योजना बनाएको थियो ।

April 4, 2025

एनएसएलमा चितवनको लगातार दोस्रो जित

काठमाडौं (हाम्रो खेलकुद)- एनसेल नेपाल सुपर लिग (एनएसएल) मा एफसी चितवनले लगातार दोस्रो जित हात पारेको छ। चितवनले शुक्रवार बुटवल लुम्बिनी एफसीमाथि १-० को कठिन जित निकाल्यो। चितवनको जितमा टोरिक जेब्रिनले इन्ज्युरी समयमा गरेको गोल नै निर्णायक बन्यो। दशरथ रंगशालामा दुवै टोलीका खेलाडीको प्रदर्शन कमजोर रह्यो। मिडबाट केहि मुभ सिर्जना भएपनि अधिकांश मिस पास भयो। […]

April 4, 2025

चितवन र बुटवल पहिलो हाफमा गोलरहित

काठमाडौं (हाम्रो खेलकुद) – तेस्रो संस्करणको एनसेल एनएसएल अन्तर्गत एफसी चितवन र बुटवल लुम्बिनीबीचको खेल जारी छ। पहिलो हाफ गोल रहित बराबरीमा सकिएको छ । दशरथ रङ्गशालामा चितवन लगातार दोस्रो जित निकाल्ने दाउमा छ । दुई खेलमा १ अंक मात्र जोड्न सकेको बुटवललाई जित दर्ज गर्ने दबाब छ। तर दुवै टिमले पहिलो हाफमा फितलो प्रदर्शन […]

April 4, 2025

एनएसएल : उपेक्षित नेपाली गोलरक्षककै रवाफ!

सुबास हुमागाईं, काठमाडौं नेपाल सुपर लिग (एनएसएल) को खेलाडी अक्सनमा सहभागी टिमहरुले गोलरक्षक अनुबन्धनमा खासै इच्छा देखाएनन् । यहाँसम्मकी अक्सन हुने समयमा राष्ट्रिय टोलीमा रहेका तीनै गोलरक्षक एक समय अनसोल्ड समेत रहे । तर एनएसएलको सुरुवाती ६ खेल हेर्दा विदेशी गोलरक्षक खेलाउने टोलीको निर्णयले टोलीलाई खासै फाइदा गरेको देखिदैन । बरु अवसर पाएका नेपाली गोलरक्षकले […]

Success

Thank you for your time.