एजेन्सी – कोरोना कहरका कारण गएको मार्च दोस्रो सातादेखि स्थगित स्पेनिस ला लिगा आज रातिबाट पुनः सुचारु हुँदैछ । ला लिगाको तीन महिनापछिको पहिलो खेलमा सेभिया रियल बेटिसबीच प्रतिस्पर्धा हुदैछ ।

खेल नेपाली समयअनुसार राति १ः४५ बजेपछि शुरु हुनेछ । खेल सेभियाको मैदानमा हुनेछ । रियल बेटिस त्यही टोली हो जसले उपाधि होडमा रहेको रियल म्याड्रिडलाई पराजित गर्दै दोस्रो स्थानमा खुम्च्याएको थियो । सेभियाले भने एट्लेटिको मड्रिडलाई २–२ गोलको बराबरीमा रोक्न सफल भएको थियो ।

त्यसैले यि दुई टोलीबीचको खेल निकै रोमाञ्चक र प्रतिस्पर्धात्मक हुने अपेक्षा गरिएको छ । सेभिया तेस्रो तथा रियल बेटिस १२औं स्थानमा रहेको छ । रियल बेटिसका लागि नवलि फेकिर र क्रिस्टियन टेलो मुख्य हतियार हुनेछन् ।

यता, सेभिया पनि अर्काे सिजनको लागि च्याम्पियन्स लिगमा स्थान बनाउनको लागि सम्भावना जीवितै राख्ने लक्ष्यमा हुदा रियल बेटिसलाई पराजित गर्ने लक्ष्यमा मैदानमा उत्रनेछ । सेभियाका लागि लुक डि जोङ, लुकास ओकम्पास र इभर बनेगा मुख्य हतियार हुनेछ ।

गत नोभेम्वरमा भएको खेलमा सेभियाले २–१ को जित निकालेको थियो । पछिल्लो १९ खेलको नतिजा हेर्दा सेभिया नै बलियो देखिएको छ । सेभियाले ११ खेलमा जित समान ४ बराबरी र ४ हारको नतिजा निकालेको छ । पछिल्लो समय उत्कृष्ट प्रदर्शन गरिरहेको रियल बेटिसलाई हराउन सेभियालाई कठिन नै हुने देखिन्छ ।

झन्डै तीन महिनापछि हुने खेलमा दुवै टोलीको कस्तो प्रदर्शन हुने हो । त्यो भने हअ‍ेर्न बाँकी नै छ । २७ चरणका खेल सकिँदा बार्सिलोना २ अंकको अग्रतासहित शीर्ष स्थानमा छ । बार्सिलोनाको ५८ र रियलको ५६ अंक छ ।