एजेन्सी – इंग्लिस क्लब आर्सनलले आफ्ना स्टार फरवार्ड पिएरे इमिरिक औबामियाङलाई उनको सम्झौता अवधिसम्म क्लबमै राख्ने बताएको छ । सम्झौता अन्त्य हुने समय नजिकिंदै जाँदा उनले क्लब छाड्ने हल्ला चलेको थियो ।

आर्सनलमा औवामियाङको सम्झौता अर्काे सिजनको समरसम्म रहेको छ । दि सनका अनुसार ३१ बर्षे औबामियाङको सम्झौता अर्को सिजन सकिएसँगै समाप्त हुने र नयाँ सम्झौताको बारेमा केही पनि निर्णय भएको छैन । आर्सनलका हेड अफ फुटबल राउल सन्लाहीले उनलाई फ्रि एजेन्टबाट अर्को सिजनमा बिक्री गर्ने बताएका छन् ।

गाबोनका फरवार्डलाई आर्सनलले यो सिजन नबेच्ने प्रष्ट पारेको छ । कोरोना संक्रमणका कारण बजारबाट अन्य खेलाडी किन्न कठिन हुने भएपछि क्लबले यो निर्णय लिएको आँकलन गरिएको छ । औबामियाङ यसै सिजन क्लब छाड्ने चर्चा चलेको थियो । कोरोना महामारीकै कारण अन्य क्लबले पनि उनलाई विक्री गर्दा उचित मुल्य नपाउने देखिएको छ ।

आर्सनलका प्रशिक्षक मिकेल आर्टेटाले उनलाई क्लबमा राख्नका लागि पनि प्रयास गरिरहेका छन् । प्रशिक्षक आर्टेटा उनलाई अनुबन्धन अवधि सकिनु अघि नै नयाँ गराउने प्रयासमा जुटेका छन् । यद्यपि औबामियाङमाथि बार्सिलोना, पीएसजी र इन्टर मिलानले चासो दिइरहेका छन् ।

चेल्सीले औबामियाङलाई अनुबन्धन गर्ने प्रयास गरेपनि क्लबले उक्त प्रस्ताव कुनै हालतमा स्वीकार नहुने बताएको थियो । त्यसैले चेल्सीले जर्मन टोली आरबी लाइप्जिगबाट फरवार्ड टिमो वेर्नरलाई अनुबन्ध गरिसकेको छ ।