एजेन्सी – सुपर स्टार लियोन मेस्सीले बार्सिलोनामा १८ वर्ष बताइसकेका छन् । उनले आफ्नो खेल जीवनमा भर सोही क्लबको जर्सी लगाने अपेक्षा गरिएको छ ।

तर एकपटक भने उनले बार्सिलोना छाड्ने मनसाय बनाएको यसअघि नै स्विकार गरेका छन् । सन् २०१७ मा उनले क्लब छाड्न चाहेको बताएका थिए । ३२ वर्षे अर्जेन्टिनले स्पेनिस सरकारले उनलाई कर छलीको आरोप लगाएपछि उनले क्लब विकल्पको बारेमा सोचेको बताए ।

सन् २००७ देखि २००९ को बीचमा ४.१ मिलियन युरो कर छलि गरेको आरोप मेस्सी र उनका बाबुलाई लागेको थियो । जसका कारण मेस्सीलाई २१ महिनाको जेल तोकिएको थियो । पछि उनको जरिवाना २ सय ५२ हरा युरोमा घटाइएको थियो । मेस्सीले स्पेनले अपमान गरेकोले देश छाड्न चाहेको बताएका थिए ।

‘मैले त्यति बेला बार्सिलोना होइन स्पेन छाड्न चाहेको थिए । मलाई लाग्यो कि म माथि अपमान भएको थियो । त्यसले मलाई बस्न मन थिएन’, उनले भने, ‘मलाई औपचारिक रुपमा कतै बाट प्रस्ताव आएको थिएन । सबैलाई थाहा थियो म यहि रहन चाहन्थे ।’

कर छलिका विषयमा उनले आफ्नो अन्तवार्ताका क्रममा भनेका थिए, ‘त्यो समय मलाई र मेरो परिवारका लागि कठिन समय थियो । मान्छेलाई के भइरहेको थियो भन्ने पनि थाहा थिएन । बच्चाहरु सानै भएका कारण त्यो विषयले धेरै फरक परेन ।’

अहिले सबै वातावरण बदलिएको छ । उनी खेल जीवनको अन्तिम सम्म बार्सिलोनमै रहनेछन् । ‘अब हामी यहि रहन्छौं । यो क्लब मेरो लागि परिवार जस्तै हो’, उनले भने, ‘हामीलाई यो सहरको आदत छ । बच्चाहरु पनि रमाइरहेका छन् । म सिमित साथीहरुको बीचमा रमाउँछु ।’