4 years ago
May 30, 2020
एजेन्सी – क्याटलान क्लब बार्सिलोनाका क्रोएसियन स्टार इभान राकिटिचले आफ्नो पुर्व क्लब सेभिया फर्कने चाहना रहेको बताएका छन् ।
गत बुधबार साँझ स्पेनमा प्रसारण गरिएको उनका सहयात्री स्वर्गीय जोसे एन्टेनियो रेएसको वृत्तचित्र अवलोकनपछि राकिटिचले सेभियाबाट खेलेर उनको फुटबलप्रतिको लगावलाई समर्पण गर्ने सपना रहेको बताएका हुन् । सेभियाका कप्तानसमेत रहेका स्पेनिस रेएसको २०१९ मा कार दुर्घटनामा परि निधन भएको थियो ।
राकिटिच २०१४ मा सेभियाबाट बार्सिलोना पुगेका थिए । बार्सिलोनामा राकिटिचको सम्झौता २०२१ सम्म रहेको छ । तर, बार्सिलोनाले राकिटिचलाई यसै सिजनको अन्त्यसँगै बेच्ने तयारी गरिरहेको छ । सेभियाले ३२ वर्षे राकिटिचलाई क्लबमा पुनः अनुबन्ध गर्न सक्नेछ ।
मुभिस्टार फिल्मले सेभिया फर्किएको अवस्थामा रेएसको जर्सी नम्वर १० लगाउने इच्छा कि छैन भनि सोधिएको प्रश्नमा राकिटिचले भने, ‘यो सम्भव भए हुन्थ्यो । मेरो अनन्य मित्रलाई यसरी श्रद्धान्जली दिन सक्षम भएकोमा गर्व गर्दछु । यो जर्सीमा उनको खेल्ने चाहना पुरा भएको छैन ।’
November 1, 2024
काठमाडौं(हाम्रो खेलकुद) – ताजिकिस्तानमा हुने थ्री नेसन्स कप फुटबलका लागि किरण चेम्जोङको कप्तानीमा २३ सदस्यीय नेपाली टोलीको शुक्रवार घोषणा भएको छ । राष्ट्रिय पुरुष फुटबल टोलीका अन्तरिम मुख्य प्रशिक्षक नवीन न्यौपानेले नेपाली टोलीको घोषणा गरेका हुन् । ३६ सदस्यीय बन्द प्रशिक्षणमा रहेका खेलाडीबाट अन्तिम टोलीको घोषणा भएको अखिल नेपाल फुटबल संघ (एन्फा) ले जनाएको छ […]
November 1, 2024
काठमाडौं (हाम्रो खेलकुद ) – नेपाली राष्ट्रिय महिला फुटबल टोलीकी मिडफिल्डर प्रीति राईलाई ब्यागमान्डु बाई प्रियाले नगदसहित सम्मान गरेको छ । ब्यागमान्डुले आफ्नो तेस्रो वार्षिकोत्सवका अवसरमा शुक्रवार साफ महिला च्याम्पियनसिपमा उत्कृष्ट प्रदर्शन गरेकी प्रीतिलाई २५ हजार रुपैयाँ सहित सम्मान पत्र र गिफ्ट ह्याम्परदले सम्मान गरेको हो । ब्यागमान्डुकी प्रबन्ध निर्देशक प्रिया मानन्धर तथा १३औं दक्षिण […]
November 1, 2024
काठमाडौं (हाम्रो खेलकुद) – साफ महिला च्याम्पियनसिप २०२४ को फाइनलमा नेपालका लागि एकमात्र गोल गर्न सफल मिडफिल्डर अमिषा कार्कीलाई नगदसहित सम्मान गरिएको छ । एसएस फाउन्डेसनले अमिषालाई १ लाख रुपैयाँसहित शुक्रवार सम्मान गरेको हो । संस्थाका संरक्षक सोभित उप्रेती तथा अध्यक्ष मदनदास श्रेष्ठले साफ महिला च्याम्पियनसिपमा उत्कृष्ट प्रदर्शन गरेको भन्दै अमिषालाई सम्मान गरेको बताए । […]
