एजेन्सी – रियल म्याड्रिडका खेलाडी प्रशिक्षणमा त फर्केका छन् । तर, कोरोना भाइरस कोभिड १९ का कारण उत्पन्न परिस्थितिका कारण समय सोचे जस्तो सहज भने छैन । अहिलेको जस्तो प्रशिक्षणमा खेलाडी अभ्यस्त थिएनन् । अहिलेको यो अनिश्चितता कहिले सम्म रहने भन्ने एकिन छैन ।

यद्दपी रियलका प्रशिक्षक जिनेदिन जिदाले यस्तो अवस्थामा पनि टोलीलाई बाँकी अवधिमा सफलता दिलाउने योजनाका साथ काम गरिरहेका छन् । फ्रान्सेली प्रशिक्षण खेलाडीको मनोबल बढाउने र डररहित बनाउनेमा प्रयासरत छन् । जसले टोलीलाई बाँकी अबधिमा महत्वपूर्ण उपाधि दिलाउन सकियोस् । स्पेनमा अहिले पनि लकडाउनको अवस्था जारी छ ।

प्रशिक्षणमा पनि खेलाडी बीच दुरी कायम गरिएको छ । मास्क, पन्जा, बन्द ड्रेसिङ रुम, एक अर्कासँग सम्पर्क नगर्ने र सानो सानो समूहमा प्रशिक्षण गराएको छ । खेलाडीमा एकअर्कालाई अंगालो हाल्ने, एक ठाँउमा धेरै जम्मा हुने, समूहमा कुराकानी गर्नेमा प्रतिबन्ध लगाइएको छ । फुटबलमा यो सबै सम्भव छैन तर परिस्थिति अनुसार स्वास्थ्यका दृष्टिमा अहिले अर्को विकल्प देखिएको छैन ।

जिदान र उनको प्रशिक्षण टोली अर्को कदमका लागि केन्द्रित देखिएको छ । ला लिगासहित अन्य प्रतियोगितामा फर्कनुअघि विस्तारै अलि ठूलो समूहमा अभ्यास गर्न पाइनेमा उनको टोली आशावादी छ । फेरि सबै सँगै अभ्यास गर्न पाउने परिस्थिति बनेपछि जिदानले खेलाडीलाई सबै विर्सेर फिटनेस र बलमा केन्द्रित गराउने प्रयास गर्नेछन् । जिदानलाई थाहा छ पहिलाकै अवस्थामा फर्कन समय लाग्नेछ । खेलाडीलाई मानसिक र शारीरिक रुपमा पुरानै अवस्थामा पुग्न केहि समय भने पक्कै लाग्नेछ ।