एजेन्सी – ब्राजिलियन महान खेलाडी रोनाल्डो नाजारियो आफ्नो खेल जीवनमा दुई पटक बालोन डी ओर उपाधि जिते । उनको नजरमा भने ५ खेलाडी बालोन डी ओरका हकदार थिए जसले उक्त सफलता हात पार्न सकेनन् ।

आफ्नो समयमा ब्राजिललाई विश्वकप जिताउन महत्त्वपूर्ण भूमिका खेलेका रोनाल्डो ती पूर्व फुटबल स्टारहरुमाथि अन्याय भएको बताएका छन् । उनको नजरमा इटालीका अलेसान्द्रो डेल पिएरो, फ्रान्सिस्को टोटी र पाउलो माल्दिनी तथा राउल गोन्जालेज र रोर्बेटो कार्लोसले बालोन डी ओर जित्नुपर्ने थियो ।

उनकै ब्राजिलियन पूर्व सहकर्मी कार्लोस बालोन डी ओरमा दुई पटक रोनाल्डो भन्दा पछि परेका थिए । डेल पियरो सँगको कुराकानीमा रोनाल्डोले भने, ‘मलाई लाग्छ उनीहरु बालोन डी ओर पाउन हकदार खेलाडी हुन् । विश्वकप जित्दा होस् या रियल म्याड्रिड, उनले राम्रो प्रदर्शन गरेका थिए । ‘

स्पेनिस फरवार्ड राउल एक पटक सन् २००१ बालोन डी’ओर उपाधिको नजिक पुगेका थिए । त्यति बेला लिभरपुलका माइकल ओवनले रियल म्याड्रिडका कप्तान राउललाई पछि पार्दै उपाधि जितेका थिए । इटालीका महान डिफेन्डर माल्डिनी पनि दुई पटक उपाधिको नजिक पुगेका थिए । इटालीकै फरवार्डद्वय डेल पिएरो र टोटी भने कहिल्यै मनोनयमा परेनन् ।