एजेन्सी – पेरिस सेन्ट जर्मेन (पिएसजी) मा रहँदा ज्लाटान इब्राहिमोभिच र इडिन्सन काभानीबीच सम्बन्ध राम्रो नरहेको एफसी लरेन्टका पूर्व डिफेन्डर मिचेल सिएनीले बताएका छन् । इब्राहिमोभिच र मिचेलले एलए ग्यालेक्सीमा सँगै खेलेका थिए ।

उनका अनुसार इब्राहिमोभिच काभानीलाई खासै मन पराउदैन थिए । काभानी र इब्राहिमोभिच तीन सिजन (सन् २०१३ देखि २०१६) सम्म सँगै पिएसजीमा बिताएका थिए । तर उनीहरुबीच आपसी तालमेल खासै देखिएन । काभानी अहिले पनि पिएसजीका हिस्सा छन् । २०१८ मा एएलए ग्यालेक्सीमा हुँदा इब्राहिमोभिचले आफुसँग काभानीको सम्बन्धका बारेमा थाहा भएको मिचेलले बताएका छन् । इब्राहिमोभिचले काभानीसँग सम्बन्ध राम्रो नरहेको बताएका थिए ।

पिएसजीमा उनको कसैसँग राम्रो सम्बन्ध हुन सकेन भने ती काभानी हुन्,’ मिचलले भने, उनले मलाई भनेका थिए, खेल जीवनभरमा तीन चार खेलाडीलाई उनी घृणा गर्छन् । ती मध्ये काभानी एक हुन् । ‘

२०१४ लिग वानको च्याम्पियन टोलीमा मुख्य स्ट्राइकर को भन्नेमा यी दुई खेलाडीबीच विवाद थियो । उरुग्वेली फरवार्ड काभानी ५५ मिलियनमा पिएसजीमा पुगेका थिए । तर, काभानीले भने उनीहरुबीच कुनै विवाद रहेको अस्वीकार गर्दै आएका थिए । ‘इब्रालाई म आफ्नो सहकर्मी रुपमा चिन्छु । उनको बारेमा मलाई नकारात्मक केहि भन्नु छैन , उनले त्यति बेला भनेका थिए, ‘पिएसजीमा उनको कारण धेरै सकारात्मक भएको छ ।’

यो सिजन मात्रै कोभानीले पिएसजीको सर्वाधिक गोल गर्ने इब्राहिमोभिचको कीर्तिमानलाई भंग गरेका थिए । इब्राहिमोभिच भने जनवरीमा एलए ग्यालेक्सीबाट सिरिए टोली एसी मिलान पुगेका थिए ।