एजेन्सी – क्याटलान क्लब बार्सिलोना तथा स्पेनका लेजेन्ड जाभी हर्नान्डेजले अर्जेन्टिनी लियोनेल मेस्सी र ब्राजिली नेयमारलाई बार्सिलोनामा सँगै प्रशिक्षण गराउने सपना रहेको बताएका छन् ।

जाभी अहिले कतारी क्लब अल सादको प्रशिक्षक छन् । उनले बार्सिलोना छाड्नुअघि सोही क्लबमा २०१५ देखि २०१९ सम्म खेल्दै प्रशिक्षकको रुपमा अघि बढेका थिए ।

‘रोड टु २०२२’ मा आफ्ना बार्सिलोनाका पुर्वसहकर्मी क्यामरुन स्टार स्यामुइल इटोसँगको इन्स्टाग्राम च्याटमा जाभीले आफ्ना पुराना सम्झना र उनीहरुले मन पराउने फुटबलको प्रकारको बारेमा छलफल गर्ने क्रममा प्रशिक्षकको रुपमा मेस्सी र नेयमारलाई बार्सिलोनामै प्रशिक्षण गराउने इच्छा रहेको बताएका हुन् ।

सिद्धान्त – जसले खेललाई पुरै आफ्नो प्रभुत्वमा पार्न सक्दछ, त्यही टोली मलाई मन पर्छ । मलाई फुटबल के हो भन्ने थाहा छ । म अट्याकिङ शैलीमा खेल्दै बलमाथि पोजिसन राख्न चहाँन्छु । जसको रचनाकार म हुँ ।

रियल म्याड्रिड शैली – रियल म्याड्रिडले मिक्स शैलीमा फुटबल खेल्ने गर्दछ । उनीहरु रक्षात्मक खेल्दै आक्रमणलाई मुख्य रणनीति बनाउनेछ । तर, रियल कठिन प्रतिद्धन्द्धी हो । यो गतवर्ष के भयो भनेर हेर्न सकिन्छ ।

नेयमार – फुटबलको हिसाबमा नेयमार विश्वको उत्कृष्टमा शीर्ष ५ मा पर्ने एक खेलाडी हुन् । म आशा गर्दछु, उनी बार्सिलोना फर्कनेछन् । उनी मेरो टिमको सहयात्री पनि थिए । उनले बार्सिलोना र अहिले पीएसजीमा निकै राम्रो गरिरहेका छन् । यो एक सकरात्मक चरित्र र फरक गुण भएका असाधरण खेलाडी हुन् । बार्सिलोनाले उनलाई आकर्षक प्रस्तावसहित अनुबन्ध गर्नुपर्दछ ।

बार्सिलोनाको प्रस्ताव – बार्सिलोनाबाट मलाई गत जनवरीमा प्रस्ताव आएको थियो । तर, यो मेरो लागि उचित समय थिएन । मसँगै एबिडाल र ओस्कार जिरोउसँग निरन्तर संवाद भइरहेको छ । यो मेरो लागि महत्वपुर्ण प्रस्ताव थियो । तर, मलाई अझै बढी अनुभव चाहिएको थियो । बार्सिलोना ठुलो नाम हो । मलाई बार्सिलोनाको प्रशिक्षक बन्ने इच्छा छ ।

मेस्सी – मेस्सी अहिले ३२ वर्षका छन् । उनले अझै ५ देखि ५ वर्षसम्म मस्तसँगा खेल्न सक्नेछन् । मेस्सीले अर्काे विश्वकप पनि खेलेको हेर्ने चाहना छ । हामी अहिले विश्वका उत्कृष्ट खेलाडीको बारेमा कुरा गरिरहेका छौं ।

बार्सिलोनाका लागि स्ट्राइकर – म बार्सिलोनासँग मिल्ने खेलाडीको बारेमा कुरा गर्दैछु । साडियो माने र औवामियाङले खुल्ला स्पेसबाट गोल गर्न माहिर खेलाडी हुन् । तर, बार्सिलोनालाई क्लोज स्पेसबाट गोल गर्ने फरवार्ड चाहिएको छ । तर, सोचेजस्तै फरवार्ड भेट्न मुस्किल छ । लुइस सुआरेज अहिलेको अवस्थामा उत्कृष्ट छन् ।

बार्सिलोनामै हुर्किएका ४० वर्षीय जाभीले बार्सिलोनाका लागि ७६७ खेलमा ८५ गोल गरेका छन् । अल सादबाट खेल्दै उनले ११७ खेलमा २५ गोल गरे । सन् २०१४ पछि अन्तर्राष्ट्रिय फुटबलबाट सन्यासको घोषणा गरेका जाभीले स्पेनका लागि १३३ खेलमा १३ गोल गरेका छन् ।