एजेन्सी – क्लब छाड्ने तमाम चर्चाका बाबजुद क्रोएसियाका मिडफिल्डर इभान राकिटिचले बार्सिलोनासँगको सम्झौता भर नै क्लबमा रहन चाहेका छन् । क्रोएसियन मिडफिल्डर नयाँ सिजनमा एट्लेटिको म्याड्रिड या सेभिल्ला फर्कने चर्चाका बीच उनको इच्छा भने अर्कै रहेको बताइएको छ ।

बार्सिलोनासँग उनको सम्झौता सन् २०२०/२१ सिजनको अन्तिम सम्म रहेको छ । क्लब भने उनलाई बिक्रि गरेर क्लबलाई आर्थिक रुपमा बलियो बनाउन चाहन्छ । तर, उनी भने तत्काल क्याप नोउ छाड्न चाहदैनन् । उनी सम्झौता हुन्जेल बार्सिलोना बसेर फ्रि एजेन्टाम आफुले क्लब रोजेर जान चाहन्छन् ।

बार्सिलोनाले भने आकर्षक आर्थिक प्रस्ताव आएको खण्डमा भने साल्केका पूर्व मिडफिल्डरलाई विक्री गर्ने पक्षमा रहेको छ । यद्दपी उनका लागि अझै पनि राम्रो प्रस्ताव आउने सम्भावना भने रहेको छ । युभेन्ट्सका फेडोरिको ब्रेनाडेस्ची र राकटिक सट्टा गर्ने विषयमा पनि छलफल भएको थियो । तर उनी त्यहाँ जान खासै इच्छुक देखिएनन् ।

राकिटिचले यसअघि सेभिल्लाबाट पनि खेल्दै सफलता पूर्वक युरोपा लिगको उपाधि जितेका थिए । उनले हाललाई अन्यत्र जाने योजना नबनाएपनि बार्सिलोनाले भने अर्को सिजन उनलाई आफ्नो योजनामा समेट्ने सम्भावना कम छ । बढ्दो उमेर र सम्झौता नवीकरण नगर्ने भएकाले उनलाई समयमा नै अन्य क्लबमा विक्री गर्ने देखिन्छ । क्लबले नयाँ खेलाडीका लागि ठाउँ बनाउन पनि आर्थिक रुपमा राकीटिचलाई राख्न चाहन्न ।