एजेन्सी – म्यानचेस्टर युनाइटेडका पूर्व स्टार प्याट्रिस इभ्राले लिभरपुलका जेलमा रहेका एक समर्थकले आफुलाई ज्यान मार्ने धम्की दिएको स्मरण गरेका छन् । सन् २०११ मा युनाइटेड र लिभरपुलबीचको खेलमा फरवार्ड लुइस स्वारेजले उनीमाथि रंगभेदी टिप्पणी गरेका थिए ।

त्यहि घटना पनि फुटबल संघले अपशब्द बोलेमा दोषी प्रमाणित भएपछि स्वारेजमाथि ८ खेलको प्रतिबन्ध लगाएको थियो । २०११ को अक्टुबरमा भएको त्यो खेलमा स्वारेजले रंगभेदी टिप्पणी गरेका थिए । युनाइटेडका पूर्व लेफ्ट ब्याकले लिभरपुलका समर्थकबाट धम्की आएपनि सुरक्षा गार्ड राख्नु परेको स्मरण गरेका छन् । समर्थकले जेलबाट निस्केपछि उनलाई र उनको परिवारलाई मार्ने धम्की दिएका थिए ।

मलाई दिएको धम्कीको पत्र म्यानचेस्टर युनाइटेडमा आएको थियो । त्यसमा भनिएको थियो । उनीहरु लिभरपुलका समर्थकहरु र जेलमा छन् । जति बेला बाहिर निस्कन्छन् त्यसपछि मलाई र परिवारलाई मान्ने धम्की दिएका थिए ।

इभ्राले अगाडि भने, ‘दुई महिना सम्म सुरक्षा गार्ड मसँगै रहे । म जहाँ गए सँगै हुन्थे । उनीहरु मेरो घर अगाडि सुते । जहाँ जादा पनि मलाई उनीहरुले पछयाइरहेका हुन्थे । त्यो कठिन समय थियो । म नडराएपनि मेरो परिवार (श्रीमती र दाई) डराएका थिए । मलाई थाहा थिएन किन मलाई मान्छेहरु त्यति घृष्णा गर्थे । उनीहरुले सत्य बुझेका थिएनन् ।’

घटनापछि खेलका रेफ्रीले आफुसँग कुराकानी गरेको र संयम हुन भनेको बताएका थिए । ‘रेफ्री म भएको ठाँउमा आए । उनले हाम्रो बीचमा के भएको सोधेका थिए’, उनले स्मरण गरे, ‘म ठिक छु की छैन भनेर उनले सोधे । मैले उनले मलाई रंगभेदी टिप्पणी गरेको भने । रेफ्रीले खेलपछि कुरा गरे बताए । खेल्नु र खेल अबधिमा कुनै गल्ति नगर्न सम्झाएका थिए ।’

इभ्राले खेलका दौरान आफुले आफैसँग कुरा गरेको उल्लेख गर्दै भने, ‘यदि मैले अहिले उनलाई मुक्का प्रहार गरे भने मान्छेले मलाई नै गलत सोच्ने छन् । उनले के भनेका थिए त्यो मान्छेले बिर्सनेछन् । आफैसँग भने यस्तो गर्नु हुन्छ । मैले उनलाई हात हाल्नु भनेको दुई वर्षसम्म प्रतिबन्ध पनि हुन सक्थ्यो । सबै खेल हेरिरहेका थिए ।’