default_image

5 years ago

April 22, 2020

नवौं स्थानको आर्सनलले च्याम्पियन्स लिग खेल्न पाउने सम्भावना

136 views

0 Bookmark

एजेन्सी – इंग्लिस प्रिमियर लिगको नवौं स्थानमा रहेको आर्सनलले कोरोना संक्रमणका कारण लिग समापन हुन नसकेको अवस्थामा अर्को सिजन च्याम्पियन्स लिग खेल्न पाउने सम्भावना देखिएको छ ।

युरोपेली फुटबलको सर्वोच्च संस्था यूईएफएले सिजन सम्पन्न गर्ने नसकिने सम्भावना देखेपछि अर्को सिजनका लागि टोली छनोट गर्न विकल्प खोजिरहेको छ । यसक्रममा यूईएफएले क्लब वरीयता निर्धारण गर्ने अंकलाई आधार मानेर विभिन्न देशका टोलीलाई च्याम्पियन्स लिग खेलाउने तयारी गरिरहेको छ । यस प्रस्ताव पारित भएको खण्डमा प्रिमियर लिगमा हाल नवौं स्थानमा रहेको आर्सनल च्याम्पियन्स लिगका लागि छनोट हुने देखिन्छ ।

इंग्लिस लिगका क्लबहरुमध्य यूईएफए वरीयतामा म्यानचेस्टर सिटीको ११२ अंक छ भने लिभरपुल ९९ अंकसहित दोस्रो स्थानमा छ । तेस्रो स्थानको म्यान्चेस्टर युनाइटेडको ९२ तथा आर्सनलको ९१ अंक रहेको छ । लन्डनका क्लब टोटेनहम ८५ र चेल्सी ८३ अंकसहित शीर्ष ५ स्थानमा छन् । लिगमा तेस्रो स्थानमा रहेपनि लेस्टर सिटीको यूईएफए वरीयतामा २२ अंक मात्र रहेको छ ।

यूईएफएले म्यानचेस्टर सिटीलाई युरोपेली प्रतियोगितामा खेल्न प्रतिबन्ध लगाएका कारण टोटेनहम चौथो टोलीको रुपमा च्याम्पियन्स लिग खेल्ने सम्भावना रहन्छ । यद्यपि सिटीले उक्त प्रतिबन्धविरुद्ध अपिल गरेको छ र त्यसको निर्णय आउन बाँकी छ । हाल लिग तालिका अनुसार शीर्ष ४ स्थानमा लिभरपुल, म्यानचेस्टर सिटी, लेस्टर र चेल्सी रहेका छन् ।

प्रिमियर लिगमा अझै ९२ खेल बाँकी रहेको अवस्था छ । लिगको शीर्षस्थानमा रहेको लिभरपुल दोस्रो स्थानको म्यान्चेस्टर सिटीभन्दा २५ अंकले अगाडी छ र लिग जित्ने लगभग पक्का छ । रेलिगेसनसहित अन्य स्थानका लागि प्रतिस्पर्धा भने कायम नै छ ।

March 17, 2025

७० बर्षपछि न्युक्यासललाई पहिलो घरेलु उपाधि

एजेन्सी – न्युक्यासल युनाइटेडले ७० वर्षपछि पहिलो घरेलु उपाधि जितेको‌ छ। वेम्बलीमा आइतवार प्रिमियर लिगको शिर्ष टोली लिभरपुललाई २-१ ले हराउँदै न्युक्यासलले काराबाओ कप जितेको हो । ड्यान बर्न र अलेक्जान्डर इसाकको गोलमा न्युक्यासलले ऐतिहासिक जित निकाल्यो । बर्नले आफ्नो पहिलो इंग्ल्यान्ड टोलीमा छनोट भएको खुसी मनाउँदै पहिलो हाफको इन्ज्युरी समयमा कियरन ट्रिपियर को कर्नरलाई […]

March 17, 2025

बार्सिलोनाको पुनरागमन जित

एजेन्सी – स्पेनिस ला लिगामा तेस्रो स्थानमा रहेको एट्लेटिको मड्रिडमाथि बार्सिलोनाले पुनरागमन जित हासिल गरेको छ । सोमवार बिहान सम्पन्न खेलमा बार्सिलोनाले एट्लेटिकोलाई ४-२ ले पराजित गरेको हो । यो जितसँगै बार्सिलोना पुनः शीर्ष स्थानमा उक्लिएको छ । हारसँगै बार्सिलोना तथा रियल मड्रिडसँग अंक दुरी कम गर्ने मौका एट्लेटिकोले गुमाएको छ । एट्लेटिको घरेलु मैदानमा […]

March 17, 2025

युनाइटेडको सहज जितमा फर्नान्डेजको उच्च प्रदर्शन

एजेन्सी – कप्तान ब्रुनो फर्नान्डेजले उच्च प्रदर्शनलाई निरन्तरता दिँदा म्यानचेस्टर युनाइटेडले आइतवार इंग्लिस प्रिमियर लिगमा सहज जित निकालेको छ। फर्नान्डेजले एक गोल आफैले गर्दै एवम् रस्मुस होयलुन्ड र आलेहान्द्रो गार्नाचोका लागि असिस्ट गरेपछि युनाइटेडले लेस्टर सिटीलाई ३-० ले हराएको छ। युनाइटेड लिगका पछिल्ला चार खेलमा अपराजित रह्यो । किंग पावर स्टेडियम मा हारपछि लेस्टरको शीर्ष […]

Success

Thank you for your time.