एजेन्सी – बार्सिलोना र अर्जेन्टिनाका सुपरस्टार लियोनल मेस्सीका समर्थक विश्वभर नै छन् । त्यसमा पनि अनेक खालको सौख भएका छन् । त्यस्तै मेस्सीप्रति लगाव भएका एक समर्थक इन्डोनेसियामा छन् । सम्भवत उनीसँग जस्तो मेस्सीको जर्सी संकलन विश्वमा अन्य कसैसँग नहुन सक्छ ।

सूर्य विजयासँग बार्सिलोनाको मात्र होइन मेस्सीको नामको प्रिन्ट भएको अर्जेन्टिनाको जर्सी पनि छन् । ‘आजको दिन मैले २ सय वटा जर्सी जम्मा गरेको छु । पछिल्लो ११ वर्षमा मैले यसको लागि धेरै खर्च गरेको छु,’ विजयाले भने, ‘धेरैले मलाई भन्छन् म मेरो सौखका लागि एकदमै पागल छु । तर म भन्छु यो मेरो जीवन र लगाव हो ।’

उनले जर्सी कसरी यत्ति धेरै जम्ममा गरेको भन्ने विषयमा भने, ‘मैले कति वटा यहि इन्डोनेसियाको स्टोरमा किनेको छु । धेरै चाहि मैले इन्टरनेटमार्फत किनेको छु । यी सबै असली जर्सी हुन् । तर यसमा कुनै पनि जर्सी मेस्सीले म्याचमा लगाएका भने छैनन् ।’

विजयाले आफू मेस्सीकै कारण बार्सिलोनाको समर्थक नभएको पनि प्रष्ट पारेका छन् । ‘मेस्सी खेल्नुअघि बाट म बार्सिलोना र अर्जेन्टिनाको समर्थक हुँ ।  किनकी म रिक्विल्मीलाई असाध्यै म पराउथे,’ उनले थपे, ‘मलाई मेस्सीले च्याम्पियन्स लिग जितेपछि तस्बिर खिचाएको एकदम मन परेको थियो । उनले म्यानचेस्टर युनाइटेडविरुद्ध फाइनलमा गोल पनि गरेका थिए ।’