एजेन्सी – फिफाका पूर्व अध्यक्ष सेप ब्लाटर जो यति बेला प्रतिबन्धमा छन्, उनले कतार सन् २०२२ को विश्व कप कतारबाट अन्त सार्दा हुने तर्क गरेका छन् । उनकै समयमा कतारलाई २०२२ विश्व कप आयोजनाको जिम्मा दिएको थियो । भ्रष्टाचार र धोकाको अभियोगमा ब्लाटर प्रतिबन्धमा परेका हुन् ।

फुटबल सम्बन्धी कुनै पनि गतिविधि गर्न नपाउने गरि उनीमाथि ६ वर्षको प्रतिबन्ध लागेको छ । कतारमा विश्व कप आयोजनाका लागि जिम्मा दिने विषयमा पनि उनले मतदान प्रभावित गरेको आरोप लागेको थियो । ‘जर्मनले आयोजना गर्न सक्छ । तर २०१८ पछिको विश्व कप फेरि पनि युरोप मै भन्ने हुन्छ,’उनले भने,’अमेरिकाले २०२६ मा आयोजना गदैैछ । उनीहरु सक्षम छन् । यो कुनै रकेट विज्ञान होइन । उनीहरुसँग १९९४ को अनुभव पनि छ । ‘

उनले अमेरिकामा गर्न उपयुक्त हुने तर्कलाई थप बल पुर्याउने गरि भने, २०२२ को विश्व कपमा ३२ टोलीले खेल्ने हो । ४८ टोलीले होइन । २०१८ को भन्दा बढी मेहनत गर्नुपर्ने हुँदैन । विकल्पमा जापान पनि आयोजक हुन सक्दछ ।

फिफा विधानकै अनुसार कारवाहीमा परेका ब्लाटरले भने,’मलाई त्यहाँबाट निकाल्नका लागि गरिएको एउटा प्रयास बाहेक केहि थिएन । अनुसन्धानको अंक मेराविरुद्धको षड्यन्त्र बाहेक केहि थिएन । अनुसन्धानकर्ताले हेरे मैले क्यारेबियन फुटबल युनियसँग सामान्य सम्झौता गरेको थिए । त्यो सबै समाधान हुनेछ । सबै भन्दा राम्रा उपाय मलाई फिफाले मानर्थ अध्यक्ष मान्दा हुनेछ ।’