एजेन्सी – जोसे माउरिन्होले रियल म्याड्रिडको प्रशिक्षक बनेपछि पहिलो पटक सन् २०१० को नोभेम्बर २ मा एल क्लासिकोमा बार्सिलोनाको सामना गरेको थियो । त्यो खेलमा रियलले ५–० लज्जास्पद हार बेहोरेको थियो । खेल आधा घन्टा बित्दानै रियल २–० ले पछि परेको थियो ।

त्यत्ति बेला बल आउट भयो । भ्रमणकारी टोली रियलले थ्रो इन पाएको थियो । बल लिन फरवार्ड क्रिस्टियानो रोनाल्डो अघि बढे । बार्सिलोनाका तत्कालिन प्रशिक्षक पेप ग्वार्डिओलाले बल उठाएर अघि बढाए । तर जति बेला रोनाल्डोले बल लिन खोजे ग्वार्डिओलाले बल भुईमा झार्दिएका थिए ।

त्यसपछि रोनाल्डोले ग्वार्डिओलाई धक्का दिए । जसले खेलमा तनावको स्थिति सृजना भयो । बार्सिलोनाका खेलाडी रोनाल्डोसँग विवादमा उत्रिए । जसमा आन्द्रे इनियस्टा, गोलकिपर भिक्टोर भाल्डेस, पेद्रो रोड्रिग्वेजले रोनाल्डोसँग विवाद गरे । त्यहि क्रममा पेद्रोले रोनाल्डोलाई भने, ‘म विश्व च्याम्पियन हो । तिमी को हौं ?’

त्यसको केहि दिन अघि पोर्चुगलले स्पेनलाई ४–० ले हराउँदा बार्सिलोनाका थ्रुपै खेलाडी टोलीमा थिए । त्यति बेला पनि उनीहरु रोनाल्डोसँग विवाद गरेका थिए ।

तर, एक पटक फिफाका तत्कालिन अध्यक्ष सेप ब्लाटरले रोनाल्डोलाई गिज्याउँदा पेद्रो युभेन्ट्सका सुपर स्टारको पक्षमा उभिएका थिए । सन् २०१३ को नोभेम्बरमा पेन्द्रले भनेका थिए, ‘रोनाल्डो माथि ब्लाटरले जे गरे मलाई त्यो सहि लागेन ।’