एजेन्सी – विश्वकप विजेता ब्राजिलियन रोनाल्डिन्हो अहिले पनि पाराग्वेको जेलमा छन् । फर्जी पासपोर्टको अभियोगमा उनी पक्राउ परेका हुन् । केहि दिन अघि मात्र उनको ४० औं जन्म दिन परेको थियो ।

अहिले उनी जेलमा फुटभलीमा ब्यस्त रहने गरेका छन् । बार्सिलोनाका पूर्व स्टार रोनाल्डिन्होको मुद्दा चलिरहेको छ । जेलमा पनि उनले आफुलाई खेलकुदमा व्यस्त राख्न गरेका छन् । केहि दिन अघि भएको आन्तरिक फुटसल प्रतिस्पर्धामा उनको मुख्य भुमिकामा टोली विजयी भएको थियो । पुरस्कार स्वरूप विजयी टोलीले १६ किलोको सुँगुर पाएको थियो । रोनाल्डिन्हो र उनका दाजुले अझै छ महिना जेल मै बिताउनु पर्ने पनि सम्भावना पनि रहेको बताइएको छ ।

पाराग्वे पुलिसले आधिकारिक विज्ञप्तिमा रोनाल्डिन्हो र उनका समुहलाई क्यासिनोका मालिक नेल्सन बेलोट्टीले पराग्वेमा आमन्त्रित गरेका थिए । सोही निमन्त्रणालाई स्वीकादै उनीहरु नक्कली कागजात प्रयोग गरी पाराग्वे पुगेका थिए ।

हाल रोनाल्डिन्होसँग ब्राजिलियन पासपोर्ट छैन । उनलाई ब्राजिली अदालतले सन् २०१८ मा वातावरणीय जरिवाना गरेको थियो । त्यो बापत उनलाई ८५ लाख डलर जरीवाना गरिएको थियो । उक्त जरिवाना रकम भुक्तानी गर्न नसकेपछि उनलाई त्यहाँको सर्वोच्च अदालतले देश छोड्न नपाउने आदेश गरेको थियो । उनले २०१५ मा त्यहाँस्थित एक तालमा बिना लाइसेन्स माछा मार्ने अखडा बनाएका थिए ।

सन् २००२ मा ब्राजिलले विश्वकप जित्दा रोनाल्डिन्हो टोलीका मुख्य सदस्य रहेका थिए । ३९ वर्षीय रोनाल्डिन्होले २००५ मा ‘बालोन डी ओर’ तथा २००४ र २००५ मा ’फिफा वल्ड प्लेयर अफ द ईयर’ अवार्ड जितेका थिए ।