एजेन्सी – स्वदेश फर्केदेखि नै क्वारेन्टाइनको नियम आफुले पालना गर्दै आएको ब्राजिलियन स्टार नेयमारले बताएका छन् । कोराना भाइरस कोभिड १९ ले विश्वव्यापी रुपमा महामारीको रुप लिएपछि पेरिस सेन्ट जर्मेन (पिएसजी) का फरवार्ड ब्राजिल फर्केका थिए । सेल्फ आइसोलेसनमा १४ दिन बस्नु पर्ने चिकित्सकहरुले बताउँदै आएका छन् ।

यद्यपी, सपिङका लागि निस्केको फोटोहरु सामाजिक सञ्जालमा आएपछि त्यहाँका सञ्चारमाध्यमले नेयमारले क्वारेन्टाइनकोको नियम उल्लंघन गरेको जनाएका थिए । नेयमारले साथीहरुसँग ब्राजिल फर्कदै गरेको फोटो इन्स्टाग्राममा राखेका थिए ।

‘अपवादका रुपमा नेयमारका छोरा डभिड लुका आफ्ना बाबुसँग बस्न आएका हुन्,’ नेयमारका प्रतिनिधिले भनेका छन्, ‘नेयमार आफ्नो दैनिक अभ्यास गररहेका छन् । जसमा उनलाई प्रशिक्षक रिकार्डौ सोसाले सघाइरहेका छन् । मानजीवनलाई निकै कठिन भएको यो कोराना भाइरसबाट मुक्त भएर व्यवासयिक जीवनमा फर्कन हामी पर्खिरहेका छौं । ‘

पछिल्ला सिजन विवादमा आएका नेयमार जारी सिजन भने पिएसजीमा राम्रो सिजन बिताइरहेका छन् । यद्यपि उचित प्रस्ताव आएको खण्डमा पिएसजीले उनलाई बेच्ने सम्भावना छ । पिएसजीले एमबाप्पेलाई आफ्नो प्राथमिकतामा राखेको छ । बार्सिलोना पनि नेयमारको स्थिति नियालेर उनलाई पुन: क्याम्प नोउमा फर्काउन तयारी गरिरहेको छ ।