एजेन्सी – स्पेन एवं रियल म्याड्रिडका कप्तान सर्जियो रामोस सोमबार ३४ औं वर्षमा प्रवेश गर्दैछन् । रियलसँगको उनको सम्झौता जुन २०२१ सम्मको मात्र छ । त्यसअर्थ अर्को कुनै सम्झौता नहुने हो भने रियलमा यो अन्तिम सिजन हुनेछ । यद्दपी धेरैले उनको सम्झौता नविकरण हुने विश्वास लिएका छन् ।

तर, विश्वव्यापी रुपमा कोरोना भाइरस कोभिड १९ को कारण सबै फुटबल गतिविधि ठप्प छ । इटाली पछि स्पेन सबैभन्दा बढी कोरोना प्रभावित मुलुकमा पर्दछ । त्यसको असर रामोसको नविकरणमा पनि गरिएको अनुमान गरिएको छ । नविकरणका लागि दुई पक्षबीच एक चरण छलफल भइसकेको बताइन्छ ।

त्यसैले पनि खासै हतार नगरिएको अनुमान गरिएको छ । अहिले नयाँ चुनौतिका रुपमा कोरोना भाइरसका कारण विश्वका सबै गतिवधि प्रभावित भएका छन् । फुटबल पनि प्रत्यक्ष रुपमा त्यसको मारमा परेको छ । पछिल्लो पटक २०१६ मा रामोसको सम्झौता नविकरण हुँदा कुनै धुमधाम गरिएको थिएन । यहि बीचमा उनी प्रिमियर लिग म्यानचेस्टर युनाइटेड जाने सक्ने चर्चा पनि चलेको थियो ।

रोमासले भने रियलमै आफेनो खेल जीवनको अन्त्य गर्ने इच्छा बताइसकेका छन् । क्लब र उनीबीचमा सम्झौताको विषयमा खासै समस्या नहुने अनुमान गरिएको छ । खाली नविकरण कति लामो हुन्छ त्यो महत्वपूर्ण हुनसक्नेछ । सामान्यता रियलले ३० वर्ष नाघेका खेलाडीसँग एक वर्षसम्मको लागि नविकरण गर्दै आएको छ । रामोसको हकमा भने दुई वर्षको अवधि थपिन सक्छ ।

अब एक वर्षको सम्झौता भएको खण्डमा उनी २०२२ सम्म रियलमा हुनेछन् । त्यत बेला रामोस ३५ वर्षका हुनेछन् । अहिले पनि सिनियर टोलीमा उनी नियमित सदस्य हुन् । शारीरिक रुपमा पनि उनी राम्रो अवस्थामा छन् । कोभिड १९ का कारण भने फुटबलमा पनि निकै असर गरेको छ । यसले क्लबको आर्थिक अवस्थामा पनि निकै फरक पर्ने अनुमान गरिएको छ ।