एजेन्सी – चेल्सी तथा फ्रान्सका फरवार्ड ओलिभिएर जिरुडले आफ्नै क्लब चेल्सीले राखेको एक वर्ष सम्झौतालाई नविकरण प्रस्तावलाई अस्वीकार गरेको बताइएको छ । यसै वर्ष चेल्सीसँगको सम्झौता सकिने भएपछि उनलाई इन्टर मिलान र टोटेनह्यामले उनलाई भित्राउने योजनामा रहेकाले उनले सम्झौता नविकरण नगरेको जनाइएको छ ।

३३ वर्षे जिरुडको चेल्सीसँगको सम्झौता समरमा सकिँदैछ । उनलाई गुमाउन भन्दा पनि चेल्सी क्लबमै राख्न चाहिरहेको छ । तर, उनी भने त्यसमा अनिच्छुक देखिएका छन् । अघिल्लो मेको जस्तै चेल्सी उनलाई थप १२ महिला राख्न चाहेको छ । तर, त्यो प्रस्ताव स्वीकार गर्नु भन्दा इन्टर मिलान जानु उपयुक्त हुने उनको मनसाय रहेका अनुमान गरिएको छ ।

इन्टरका प्रशिक्षक एन्टोनियो कोन्टे उनलाई भित्राउन चाहन्छन् । चेल्सीका अन्य खेलाडी मार्को अलन्सो र मोसेस पनि क्लब छाड्ने सम्भावनामा छन् । मोसेस अहिले लोनमा इन्टरबाट नै खेलिरहेका छन् । चेल्सीका पूर्व प्रशिक्षक रहेका कोन्टेले आफ्नो रोजाईको खेलाडी टोलीमा समेट्न चाहेका हुन् ।

जिरुड अहिले पनि चेल्सीको पहिलो रोजाईका खेलाडी हुन् । उनीसँगै युवा फरवार्ड ट्यामी अब्राहमले चेल्सीको अग्रपंक्ती सम्हालिरहेका छन् । केहि सञ्चारमाध्यका अनुसार जिरुड दुई वर्षको सम्झौता चाहिरहेका छन् । इन्टरमा उनलाई त्यो विकल्प रहेको बताइएको छ ।

जनवरीको सरुवा बजारमा उनी इन्टर र चेल्सीमध्ये एकमा सम्झौताको नजिक छन् भन्ने बताइएको थियो । तर अन्तिममा सम्झौता हुन सकेन । यो सिजन सबै प्रतिस्पर्धामा जिरुड १३ खेलमा ३ गोल गरेका छन् ।