एजेन्सी – उरुग्वे तथा क्याटलान क्लब बार्सिलोनाका फरवार्ड लुइस सुआरेज चोटबाट ठिक भएका छन् । घुँडाको चोटका कारण गत जनवरीदेखि फुटबलबाट टाढा रहेका सुआरेजले पूर्ण रुपमा फिट रहेको बताएका हुन् ।

सुआरेजले एट्लेटिको मड्रिडविरुद्धको स्पेनिस सुपर कपको सेमिफाइनल खेल दौरान चोट बोकेका थिए । ‘डाक्टरले मेरो स्वास्थ्यमा राम्रो सुधार भइरहेको बताउनु भएको छ । यसले मलाई जति सक्दो छिटो मैदानमा फर्कने आशा दिएको छ,’ सुआरेजले भने, ‘यो फरक छ । जब टिम खेलमा फर्कन्छ, म पनि त्यही समय खेल्नको लागि सक्षम हुनेछु । आशा गरौं लिग अब तीन सातापछि सुरु हुन सक्नेछ । त्यतिबेलासम्म फिट हुनेछु ।’

अहिले विश्वव्यापी रुपमा महामारीको रुपमा फैलिएको कोरोना भाइरस (कोभिड–१९) कारण विश्व खेलकुद गतिविधि ठप्प छ । युरोकप २०२० र कोपा अमेरिका कप एक वर्षको लागि पछि सारिएको छ । कोरोनाकै कारण गत मार्च पहिलो सातादेखि फुटबलका गतिविधि हुन सकेका छैनन् ।

स्पेनिस क्लब रियल मड्रिडका बास्केटबल खेलाडीमा कोरोना भाइरसको संक्रमण पोजेटिभ भेटिएपछि रियलका खेलाडीसँगै अन्य क्लबका खेलाडीहरु सेल्फ क्वारेन्टाइनमा छन् ।

३३ वर्षीय सुआरेजले चोट बोक्नुअघि बार्सिलोनाको लागि यो सिजन २३ खेल खेल्दै १४ गोल गर्नुका साथै ११ गोलको लागि असिस्ट गरेका थिए ।
तर, पछिल्लो समय बार्सिलोनाले सुआरेजको विकल्पको खोजिरहेको छ । बार्सिलोनाले नेयमारलाई क्लबमा फर्काउने प्रयास गरिरहँदा लोउटारो मार्टिनेज र पिएरे इम्रिक औबामेयाङलाई अनुबन्ध गर्ने प्रक्रिया अघि बढाएको छ ।

यो पनि पढ्नुहोस :

• नेपाली खेलाडीका ४ विश्व कीर्तिमान जो तोडिन लगभग असम्भव!
• तामाङलाई एनसिएसएसको पहलमा आर्थिक सहयोग
• मिलान छाड्ने ज्लाटनको घोषणा
• क्वारेनटाइनका लागि एन्फाले होस्टल प्रयोग गर्न दिने
• एमबाप्पेलाई फकाउने पिएसजीलाई मौका
• अत्यावश्यक कामबाहेक सबैलाई घरमै बस्न पारसको आग्रह !
• डिबालालाई पनि कोरोना संक्रमण
• कोरोना भाइरसबाट रियलका पूर्व अध्यक्षको मृत्यु
• रोनाल्डिन्होको ४० औं जन्मदिन जेलमै