एजेन्सी – इंग्लिस प्रिमियर लिगमा आज राति तीन खेल हुदैछ । चेल्सी र एभर्टनबीच प्रतिस्पर्धा हुनेछ । यस्तै लेस्टर सिटी र एस्टन भिल्लाबीच पनि प्रतिस्पर्धा हुनेछ । यस्तै म्यानचेस्टर डर्बी भिडन्त हुनेछ ।

बहुचर्चित म्यानचेस्टर डर्बी भिडन्त युनाइटेडको घरेलु मैदानमा ओल्ड ट्राफोर्डमा हुनेछ । डर्बी भिडन्त नेपाली समयअनुसार राति १०ः१५ बजे हुनेछ । सिटी घरेलु टोलीलाई पराजित गर्दै शीर्षस्थानको लिभरपुलसँगको अंक दुरी कम गर्ने लक्ष्यमा हुनेछ ।

दोस्रो स्थानको सिटीको २७ खेलमा ५७ अंक छ । सिटी लिभरपुल भन्दा २५ अंकले पछि छ । यता, युनाइटेड सिटीलाई घरेलु मैदानमा हराएर शीर्ष पाँचमा उक्लने दाउँमा हुनेछ । सातौं स्थानको युनाइटेडको ४२ अंक छ ।

यि दुई टोली हालसम्म २८ पटक आमने सामने हुदा सिटीले हावी देखिएको छ । सिटीले १३ खेलमा जित हात पार्दा युनाइटेडले १२ खेल आफ्नो पक्षमा पारेको छ । ३ खेल बराबरीमा सकिएको छ । डर्बी भिडन्तमा दुवै टिमको लक्ष्य जित निकाल्नु हुनेछ । त्यसैले खेल रोमाञ्चक हुने अनुमान गरिएको छ ।

अर्को खेलमा चेल्सीले घरेलु मैदानमा एभर्टनको सामना गर्नेछ । खेल ७ः४५ बजे सुरु हुनेछ । घरेलु मैदानमा चेल्सी एभर्टनलाई हराएर तेस्रो स्थानको लेष्टर सिटीसँगको अंक दुरी कम गर्ने लक्ष्यमा हुनेछ ।

चेल्सी लिगको चौंथो स्थानमा रहेको छ । चेल्सीले २८ खेलमा ४५ अंक जोडेको छ । एभर्टन पनि चेल्सीलाई हराएर शीर्ष १० मा उक्लन चाहन्छ । ३७ अंक जोडेर एभर्टन १२औं स्थानमा रहेको छ । आजै राति १ः४५ बजे लेस्टर सिटी र एस्टन भिल्लाबीच प्रतिस्पर्धा हुनेछ ।