काठमाडौं – नेपालका स्टार फुटबलर जगजित श्रेष्ठको अष्ट्रेलियामा व्यवसायिक फुटबलमा सुरु गरेको नयाँ यात्रा कहाँ सम्म पुग्छ अहिले अनुमान गुर्न हतार हुनेछ । यद्दपी उनले दुई खेलमा भने निकै राम्रो संकेत देखाएका छन् । अहिले स्टेटको दोस्रो डिभिजनको क्लबबाट ४ महिनाका लागि मौका पाएका जगजितले आफ्नो दोस्रो खेलमा पनि प्रभावजारी भने राखेका छन् ।

खेलका दौरान जगजित श्रेष्ठ ।

आफ्नो पहिलो खेलमा ३–२ ले जितेको खेलमा दुई गोल गरेका जगजितले शनिबार पनि १ गोल गरेका थिए । उनले गोल गरेको खेलमा शनिबार ह्युम युनाइटेडले फिट्जयरोयलाई ३–२ ले हराएको थियो । ह्युमले २–० ले पछि परेरपनि खेल उल्टाएको थियो । फिट्जरोयले दोस्रो हाफको १२ मिनेट भित्र दुई गोल गर्दै खेलमा बलियो पकड बनाएको थियो ।

खेलका दौरान जगजित श्रेष्ठ ।

ह्युमका लागि तारकानले पहिलो गोल फर्काए भने जगजितले झन्डै ३५ यार्ड टाढाबाट फ्रिकिकमा गोल गर्दै खेललाई बराबरीमा ल्याएका थिए । कप्तान लियोन बिलालले खेल सकिन एक मिनेट बाँकी रहँदा गोल गरेपछि ह्युम लगातार दोस्रो खेल जितेको थियो । लागतार दोस्रो जितपछि ह्युम भिक्टोरियाको दोस्रो डिभिजन लिगको छैटौं स्थानमा उक्लेको छ । लिगमा १२ टोली रहेका छन् ।

गोल गरेपछि जगजित श्रेष्ठ ।

झन्डै दुई महिना अघि अस्ट्रेलिया पुगेका जगजित मासिक १ हजार ५ सयमा ४ महिनाका लागि ह्युममा आबद्ध भएका थिए ।
जगजितले आफ्नो लक्ष्य त्यहाँको माथिल्लो डिभिजनबाट खेल्ने रहेको जनाएका छन् । तर, त्यो सहज नभएको उनी आफै स्वीकार छन् । ‘’यो त मेरो खेल जीवनको नयाँ यात्रा मात्र हो,’ उनले हाम्रो खेलकुदसँग भने, ‘ मेरो लक्ष्य माथि सम्म पुग्ने भएपनि त्यो अहिले नै पुरा हुन सम्भव छैन । आशा गरौं भविष्यमा राम्रो गर्दै जान सके पनि मेरो सपना पनि पुरा होला ।’

गोल गरेपछि जगजित श्रेष्ठ ।