एजेन्सी – अवे गोलमा पछि परेपछि इंग्लिस क्लब आर्सनल युइएफए युरोपा लिगको राउन्ड अफ ३२ बाटै बाहिरिएको छ । बिहीबार राति घरेलु मैदानमा ग्रीसको ओलम्पियाकोससँग २–१ ले पराजित भएसँगै आर्सनल राउन्ड अफ ३२ बाटै नकआउट हुन पुगेको हो । 

समग्रमा २–२ गोलको बराबरी भएपनि ओलम्पियाकोस अवे गोलको सहयोगमा अन्तिम १६ मा पुग्न सफल भएको हो । पहिलो लेगमा आर्सनलले १–० को अवे जित निकालेको थियो । दोस्रो लेगमा ओलम्पियाकोसले २–१ को जित निकाल्दा महत्वपुर्ण दुई खवे गोल गर्न सफल भएको थियो ।

इमिरेट्स स्टेडियममा बिहीबार राति प्रतिस्पर्धात्मक बनेको पहिलो हापमा गोलरहित बराबरीमा टुगिंएको थियो । ५३औं मिनेटमा पपु एबोउ सिसेले गोल गर्दै पाहुना टोलीलाई अग्रता दिलाए ।

त्यसपछि दुवै टोलीले अवे गोल गरेका कारण खेल १–१ गोलको बराबरी हुदा अतिरिक्त समयमा धकेलिएको थियो । ११३औं मिनेटमा कप्तान पिएरे इम्रिक आवामियाङले गोल गर्दै आर्सनललाई २–१ को अवस्थमा ल्याएका थिए । इन्ज्युरी समयमा सम्हालिन नसक्दा आर्सनलले १२०औं मिनेटमा गोल खाएपछि आसर्ननलको राउन्ड अफ ३२ बाटै नकआउट हुन पुग्यो । ओलम्पियाकोसका युसेफ अल अरवीले महत्वपुर्ण अवे गोल गर्दै २–१ को जितसहित प्रि–क्वाटरफाइनलको यात्रामा उभ्याए ।

यस्तै युक्रेनी क्लब साख्तर डोनेस्कले पोर्चुगिज क्लब बेन्फिकालाई समग्रमा ५–४ ले पराजित गर्दै अन्तिम १६ को यात्रा तय गरेको छ । दोस्र लेगको खेल ३–३ गोलको बराबरीमा टुंगिएपनि साख्तरले पहिलो लेगमा लिएको २–१ को अग्रता अघिल्लो चरणमा पुग्न पर्याप्त बन्यो ।

बेन्फिकाको मैदानमा दोस्रो लेगमा घरेलु टोलीका पिजी, रुवेन डियस र राफा सिल्भाले गोल गरे । साख्तरका टारस स्टेपानेन्को र एलन प्याट्रिकले गोल गर्दा एक गोल उपहार पाएको थियो ।