एजेन्सी – युइएफए च्याम्पियन्स लिगको प्रि–क्वाटर फाइनलको पहिलो लेगमा आज राति इटालियन क्लब नेपोलीले क्याटलान क्लब बार्सिलोनको को आतिथ्यता गर्दैछ । खेल नेपोलीको मैदानमा १ः४५ बजेपछि सुरु हुनेछ ।

यि दुई टोली च्याम्पियन्स लिगमा पहिलोपटक खेल्न लागेका हुन् । घरेलु टोली नेपोली बार्सिलोनालाई पहिलो लेगमा पराजित गर्दै अघि बढ्ने लक्ष्यमा हुनेछ । इटालियन सिरी ‘ए’ मा पछिल्लो ३ खेलमा अपराजित रहँदै उच्च मनोवल बोकेको नेपोली सोही उच्च मनोबलका साथ घरेलु मैदानमा बार्सिलोनाविरुद्ध उत्रँदैछ । जेनारो गाटुसोको आगमनपछि नेपोलीको प्रदर्शनमा सुधार आएको छ ।

सिजनको सुरुवातमा कार्लो एन्सेलोट्टीको प्रशिक्षणमा खेलेको नापोलीले खराब प्रदर्शन गरेको थियो । अहिले नेपोली सिरिएको छैटौं स्थानमा छ । पछिल्लो तीन खेलमा अपराजित रहेको नापोली बार्सिलोनाका लागि खतरा बन्न सक्नेछ । लोरेन्जो इन्सिग्ने, ड्रिएस मेर्टिन्स, फावियन र जियोभानी डि सेल्सोले बार्सिलोनाको रक्षापङ्तिलाई दुःख दिन सक्नेछन् ।

यता, ला लिगामा शीर्ष स्थानमा उक्लिएको बार्सिलोना नेपोलीमाथि अवे जित निकाल्दै अन्तिम आठको यात्रा सहज बनाउन चाहन्छ । सन् २०१४–१५ को सिजनमा च्याम्पियन बनेपछि बार्सिलोनाले युरोपेली च्याम्पियन्स लिगमा खासै प्रभाव पार्न सकेको छैन । तर, प्रशिक्षक क्वीके सेटिनको आगमनले बार्सिलोनामा नयाँपन देखिएको छ ।

नेपोलीका लागि भने मेस्सीलाई रोक्नु सबैभन्दा ठूलो चुनौती हुनेछ । इवारविरुद्धको खेलमा मेस्सीले चार गोल गरेका थिए । फरवार्ड लुइस सुआरेज र औसमाने डेम्बेले इन्ज्युरीका कारण टिममा छैनन । अग्रपंक्तिमा मेस्सीलाई एन्टोइन ग्रिजम्यान र युवा प्रतिभा अन्सु फातीले साथ दिनेछन् । आकस्मिक अनुबन्धन मार्टिन ब्रेथवेइटले पनि नेपोलीविरुद्ध मौका पाउन सक्नेछन् ।

यि दुई टोलीले पछिल्ला ४ खेल खेल्दा बार्सिलोना हावी छ ।बार्सिलोनाले ३ खेलमा जित निकाल्दा एक खेल नेपोलीले आफ्नो पक्षमा पारेको छ । यि दुई टोलीले पछिल्लोपटक २०१९ अगस्ट ११ मा क्लब मैत्रीपुर्ण खेल खेलेको थियो । जसमा बार्सिलोना ४–० ले वियजी भएको थियो ।

२०१९ मै क्लब मैत्रीपुर्णमा नै बार्सिलोना २–१ले विजयी भएको थियो । २०१४ को क्लब मैत्रीपुर्णमा नै नेपोलीले १–० को जित निकाल्दा २०११ को अर्काे क्लब मैत्रीपुर्ण खेलमा नेपोलीले ५–० को जित निकालेको हो ।