एजेन्सी – भिल्लारियलमाथि सहज जित निकाल्दै एट्लटिको मड्रिड स्पेनिस ला लिगाको तेस्रो स्थानमा उक्लिएको छ । घरेलु टोलीले भिल्लारियलाई ३–१ ले हराउदै सेभियालाई पछि पार्दै ला लिगाको तेस्रो स्थानमा उक्लन सफल भएको हो । 

एट्लेटिकोले सेभियालाई गोल अन्तरमा पछि पार्दै तेस्रो स्थानमा उक्लन सफल भएको हो । एटेलेटिको र सेभियाको २५ खेलबाट समान ४३ अंक रहेको छ । यि दुई टोलीबीच १ गोलको अन्तर छ । भिल्लारियल ३८ अंक जोडेर सातौ स्थानमा छ । एट्लेटिको शीर्षस्थानको बार्सिलोनासँग १२ अंकले तथा दोस्रो स्थानको रियाल म्याड्रिडसँग १० अंकले पछि छ ।

वान्डा मेट्रोपोलिटानोमा आइतबार रासत भएको खेलमा घरेलु टोलीको जितमा एन्जेल कोरेरा, कोकी र जोओ फेलिक्सले गोल गरे । भिल्लाका पाको अल्कासेरले गरेको गोल सान्त्वना बन्यो । एट्लेटिकोले एक गोलले पछि परेको स्थिति उल्ट्याएर महत्वपुर्ण ३ अंक जोड्न सफल भएको हो ।

१६ मिनेटमा पाको अल्कासेरले गोल गर्दै पाहुना टोलीलाई अग्रता दिलाएका थिए । ४०औं मिनेटमा एन्जल कोरेराले गोल गर्दै एट्लेटिकोलाई खेलमा फर्काएका थिए । ६४औं मिनेटमा कप्तान कोकीले कोरेराको पासमा गोल गर्दै घरेलु टोलीलाई २–१ को अग्रता दिलाए । ७४औं मिनेटमा जोओ फेलिक्सले कोकीको पासमा गोल गर्दै एट्लेटिकोको जित पक्का गरे ।

अन्य नतिजा

ओसासुनाविरुद्ध ग्रानडा (०–३)

डिर्पोटिभो अलाभेसविरुद्ध एथ्लेटिको बिल्वाओ (२–१)

रियल भालाडोलिडविरुद्ध इस्पान्योल (२–१)

गेटाफेविरुद्ध सेभिया (०–३)