एजेन्सी – युइएफए युरोपा लिगको राउन्ड अफ ३२ को पहिलो लेगमा इंग्लिस क्लब आर्सनलले जित हात पार्दा अर्काे इंग्लिस क्लब म्यानचेस्टर युनाइटेड बराबरीमा रोकिएको छ ।

आर्सनलले ग्रीसको ओलम्पियाकोसमाथि १–० को झिनो जित निकाल्दा युनाइटेड बेल्जियन क्लब ब्रुगसँग १–१ गोलको बराबरीमा रोकिएको हो । दुवै टोलीले गोलको केही अवसर गुमाउदा प्रतिस्पर्धात्मक बनेको पहिलो हाफ गोलरहित बराबरीमा सकिएको थियो ।

खेल सकिन ९ मिनेट बाँकी रहँदा एलेक्सान्द्रे लाकाजेटले गोल गर्दै आर्सनललाई अग्रता दिलाए । त्यही गोल नै निर्णायक बन्यो । उनले बुकायो साकाको पासमा गोल गरेका थिए । दोस्रो लेग आसर्नलको मैदमा २८ फेब्रुअरीमा हुनेछ ।

अर्काे खेलमा गोलरक्षक सर्जियो रोमेरोको ठुलो गल्तीमा म्यानचेस्टर युनाइटेड बेल्जियन क्लब ब्रुगसँग १–१ गोलको बराबरीमा रोकिएको छ । क्लब ब्रुगका इमानुयल डेनिसले तथा युनाइटेडका एन्थोनी मार्सियालले गोल गरे ।

खेलको १५औं मिनेटमा इमानुयल डेनिसले गोल गर्दै क्लब ब्रुगलाई अग्रता दिलाएका थिए । गोलरक्षक सिमोन मिग्नोलेटको दिएको लामो पासमा युनाइटेडका गोलरक्षक सर्जियो रोमेरो पोजेसनमा नरहँदा इमानुयल डेनिसले गोल गर्न सफल भएका थिए । ३६औं मिनेटमा एन्थोनी मार्सियालले बराबरी गोल फर्काए ।

त्यसपछि थप गोल निस्कन नसक्दा खेल बराबरीमा सकियो । दोस्रो लेग युनाइटेडको मैदानमा २८ फेब्रुअरीमा हुनेछ । युनाइटेडलाई यही बराबरीको नतिजा प्रि–क्वाटर फाइनल पुग्न पर्याप्त हुनेछ । क्लब ब्रुगलाई अर्काे चरण प्रवेश गर्न कम्तीमा पनि १–० को जित आवश्यक छ ।