5 years ago
February 16, 2020
काठमाडौं (हाम्रो खेलकुद)– ललितपुर महानगरपालिकाले आफ्नो नगरका ए, बी, सी डिभिजन क्लबका ११ क्लबलाई प्रोत्साहन स्वरुप ६० लाख रुपैयाँ प्रदान गरेको छ । ललितपुरले गत वर्षबाट फुटबल विकासमा लागेका क्लबहरुलाई प्रोत्साहन रकम दिन सुरु गरेको हो ।
यसरी प्रोत्साहन रकम पाउने ए डिभजिन क्लबका ५, बी डिभिजनका ४ र सी डिभिजनका २ क्लब छन् ।ललितपुरले वार्षिक रुपमा ए डिभिजनलाई ४ लाख रुपैयाँ प्रोत्साहन रकम दिने घोषणा गरेको थियो । त्यस्तै राष्ट्रिय स्तरको उपाधि जित्दा हरेक उपाधि वापत ४ लाख रुपैयाँ दिने घोषणा गरेको थियो ।
त्यसका आधामा रुस्लान थ्री स्टार क्लबले ३ उपाधि र बार्षिक प्रोत्साहन रकम गरि सर्वाधिक १६ लाख रुपैयाँ प्राप्त गरेको छ । त्यस्तै दुई उपाधि जितेको च्यासल क्लबले १२ लाख, एउटा उपाधि जितेको प्रभु बैंक जावलाखेल युथ क्लबले ८ लाख तथा दुई एनआईबिएल फ्रेन्ड्स र ब्रिगेड ब्वाइज क्लबले समान ४ लाख रुपैयाँ प्राप्त गरेका छन् ।
ललितपुर नगरमा रहेका बी डिभिजनका सातदोबाटो, पुल्चोक, खुमलटार र झम्सिखेलले समान ३ लाख रुपैयाँ प्राप्त गरे । सी डिभिजन क्लब सानेपा र खालीबारीले समान २ लाख रुपैयाँ पाए । ललितपुर महानगरका मेयर चिरिबाबु महर्जनले थ्री स्टार क्लबका अध्यक्ष अरुणमान जोशी, जावलाखेका अध्यक्ष महेन्द्र क्षेत्रीलगायत अन्य क्लबका पदाधिकारीलाई रकम हस्तान्तरण गरेका थिए ।
शनिबार मात्र सम्पन्न कतार एयरवेज सहिद स्मारक ए डिभिजन लिगमा ललितपुरका टोलीमध्ये सबैभन्दा राम्रो नतिजा थ्री स्टारले प्राप्त गरेको थियो । थ्री स्टारले चौथोमा रहँदै लिगको अन्त्य गर्यो । जावलाखेल छैटौं, च्यासल नवौं, फ्रेन्ड्स ११ औं र ब्रिगेडले १३ औं स्थानमा रहँदै लिगको अन्त्य गरेको थियो ।
प्रोत्साहन रकम पाउने ललितपुरका क्लबहरु
ए डिभिजन
क्लब रकम उपाधि
रुस्लान थ्री स्टार १६ लाख ३
च्यासल युथ क्लब १२ लाख २
प्रभु बैंक जावलाखेल ८ लाख १
एनआईबिएल फ्रेन्ड्स ४ लाख –
ब्रिगेड ब्वाइज ४ लाख –
बी डिभिजन
क्लब रकम
सातदोबाटो ३ लाख
पुल्चोक ३ लाख
खुमलटार ३ लाख
झम्सिखेल ३ लाख
सी डिभिजन
सानेपा २ लाख
खालीबारी २ लाख
January 16, 2025
अर्जुन कार्की, बागलुङ बागलुङमा जारी दोस्रो स्मृति कप फुटबल प्रतियोगिताको सेमिफाइनल समीकरण पूरा भएको छ । गुठी युनाईटेड र प्रर्पल हेज बिहीवार विजयी हुँदै सेमिफाइनल पुगेसँगै समीकरण पूरा भएको हो । जिल्ला प्रहरी कार्यालय बागलुङ र संकल्प पुर्नस्थापना केन्द्रले यसअघि नै सेमिफाइनलल पुगिसकेका छन् । बिहीवारको पहिलो खेलमा आदर्श विद्यामन्दिरलाई १-० ले हराउँदै गुठी अन्तिम […]
January 16, 2025
काठमाडौं(हाम्राे खेलकुद) – एन्फा यु १६ युथ लिगमा बिहीवार थ्री स्टार क्लब र संकटा क्लबले जित दर्ता गरेको छ । सातदोबाटोस्थित एन्फा कम्प्लेक्समा थ्री स्टारले मछिन्द्र क्लब तथा संकटाले विभागिय टोली त्रिभुवन आर्मीलाई पराजित गरेको हो । दिनको पहिलो खेलमा थ्री स्टारले मछिन्द्रलाई ३-० ले पराजित गर्यो । थ्री स्टारको जितमा सिर्जन श्रेष्ठ, राज बम […]
January 16, 2025
हिमाल खरेल, बिर्तामोड झापा ११ एफसी भारतको सिक्किममा जारी १० औं अल इन्डिया चिफ मिनिस्टर्स गोल्डकपको सेमिफाइनलमा प्रवेश गरेको छ । सिक्किमको जोरथाङ रंगशालामा आज भएको अन्तिम क्वार्टर फाइनलमा भुटानको प्रिमियर लिग टोली ट्रान्सपोर्ट युनाइटेडलाई २-१ ले हराउँदै झापा ११ अन्तिम चारमा पुगेको हो । फाइनल प्रवेशका लागि झापा ११ ले माघ ५ गते भारतको […]
