एजेन्सी – शीर्षस्थानमा रहेको पेरिस सेन्ट जर्मेन (पीएसजी) फ्रेन्च लिग वानमा पुछारको क्लब एमिन्ससँग बराबरीमा रोकिएको छ । शनिबार राति भएको खेलमा पीएसजी रेलिगसन जोनमा रहेको एमिन्ससँग ४–४ गोलको बराबरी खेल्दै अंक बाँडेको हो ।

एमिन्सका सेरोउ गुइरासीले दुई तथा गेइल काकुटा र फेउसेनी डियावाटीले गोल गरे । पीएसजीका नियान्जोउ कोउएसीले दुई तथा एन्डर हेरेरा र मोउरो इकार्डीले गोल गरे । मुख्य खेलाडी केलियन एम्बाप्पे र नेयमारबिनै मैदान उत्रिएको पीएसजी एक समय ३–० ले पछि परेको थियो । त्यसपछि पीएसजीले खेलमा लगतार ४ गोल गर्दै अग्रता लिएपनि अन्तिम मिनेटमा सम्हालिन नसक्दा अंक बाड्न बाध्य बन्यो ।

खेलको पाँचौ मिनेटमा सेरोउ गुइरासीको गोलबाट पीएसजी खेलमा पछि परेको थियो । २९औं मिनेटमा गेइल काकुटाले गोल गर्दै पीएसजीको अग्रता दोब्बर बनायो । फेउसेनी डियावाटीले ४५औं मिनेटमा गोल गरेपछि घरेलु टोलीले पीएसजीविरुद्ध ३–० को अग्रता लिन सफल भएका थियो ।

पहिलो हाफको अन्तिम मिनेटमा पीएसजीका एन्डर हेरेराले गोल गर्दै पीएसजीलाई खेलमा फर्काउने संकेत गरे । दोस्रो हाफमा नियान्जो कावासीले लगातार दुई गोल गर्दै पीएसजीलाई बराबरीमा फर्काएका थिए । ६०औं मिनेटमा पहिलो गोल गरेका नियान्जोउ कोउएसीले ६५औं मिनेटमा अर्काे गोल गर्दै खेललाई ३–३ गोलको बराबरीमा ल्याएका थिए ।

मोउरा इकार्डीले ७४औ मिनेटमा गोल गरेपछि पीएसजीले खेलमा पहिलोपटक ४–३ को अग्रता लिन सफल भयो । तर, पीएसजीले त्यो अग्रता जोगाउन सकेन । इन्ज्युरी समयको थप गरिएको दोस्रो मिनेटमा सेरोउ गुइरासीले व्यक्तिगत दोस्रो तथा टोलीका लागि चौथो गोल गर्दै पीएसजीसँग अंक खोस्न सफल भए ।

बराबरीसँगै पीएसजीले दोस्रो स्थानको मार्सेलीसँग १३ अंकको स्पष्ट अग्रता कायम राखेको छ । एमिन्स २१ अंकसहित रेलिगेशन जोनमा यथावत छ । पीएसजीले आगमी मंगलबार च्याम्पियन्स लिगको प्रि क्वाटरफाइनलको पहिलो लेगमा जर्मन बोरुसिया डर्टमण्डसँग खेल्दैछ । सोही कारण उसले केलियन एम्बाप्पेलाई विश्राम तथा नेयमार चोटबाट प्रशिक्षणमा फर्किएका छन् ।