काठमाडौं (हाम्रो खेलकुद) – रुस्लान थ्री स्टारका अनन्त तामाङ कतार एयरवेज सहिद स्मारक ए डिभिजन लिगकै उत्कृष्ट डिफेन्डर चुनिएका छन् ।

मनाङ मर्स्याङ्दी क्लबका दीप कार्की लिगकै उत्कृष्ट गोलकिपर चुनिए । उनले १ लाख ५० हजार रुपैयाँ प्राप्त गरे ।सानमिगेल मछिन्द्र क्लबका प्रशिक्षक प्रवेश कटवाल उत्कृष्ट प्रशिक्षक चुनिए ।

विशाल राई उत्कृष्ट मिडफिल्डर चुनिदा भरत खवास उत्कृष्ट फरवार्ड चुनिए । एनआटीका दर्शन गुरुग शाह युवा खेलाडी चुनिएका छन् । उनले १ लाख रुपैयाँ प्राप्त गरे । शनिबार दशरथ रंगशालामा भएको लिगको अन्तिम खेलमा त्रिभुवन आर्मी क्लबलाई १-० ले पराजित गर्दै मछिन्द्रले उपाधि जितेको छ ।

१३ खेलमा मछिन्द्रले १० मा जित २ मा बराबरी र १ मा हार सहित ३१ अंक रहँदै शीर्ष स्थानमा रह्यो । आर्मी १३ खेलमा ९ मा जित, समान २ मा हार र बराबरी सहित २९ अंक रहँदै दोस्रो स्थानमा रह्यो ।

लिगका उत्कृष्ट

फेयर प्ले – रुस्लान थ्री स्टार क्लब नगद १ लाख रुपैयाँ

युवा खेलाडी – दर्शन गुरुङ (एनअारटी) १ लाख रुपैयाँ

गोलरक्षक – दिप कार्की (मनाङ) १ लाख ५० हजार रुपैयाँ

डिफेन्डर – अनन्त तामाङ (थ्री स्टार) १ लाख ५० हजार रुपैयाँ

मिडफिल्डर- विशाल राई ‘बी’ (मछिन्द्र) १ लाख ५० हजार रुपैयाँ

फरवार्ड – भरत खवास (आर्मी) १ लाख ५० हजार रुपैयाँ

प्रशिक्षक – प्रवेश कटुवाल (मछिन्द्र) १ लाख ५० हजार रुपैयाँ