काठमाडौं (हाम्रो खेलकुद)– न्यू रोड टिम (एनआरटी) लाई आइतबार ४–१ ले हराउँदै नेपाल आयल निगम मनाङ मस्र्याङ्दी क्लब कतार एयरवेज सहिद स्मारक ए डिभिजन लिगको अंक तालिकामा पुनः तेस्रो स्थानमा उक्लेको छ ।

जितपछि मनाङ २२ अंकसहित तेस्रो स्थानमा उक्लेको छ । शीर्षस्थानको त्रिभुवन आर्मी क्लबको २६ र सानमिगेल मछिन्द्र क्लबको २५ अंक छ । चौथो स्थानमा झरेको रुस्लान थ्री स्टार क्लबको २० अंक छ । सातदोबाटोस्थित एन्फा कम्प्लेक्सको मैदानमा मनाङलाई दिलाउन अन्जन विष्टले २ तथा विमल राना र दयानन्द सिंहले समान १ गोल गरे ।

विमलले ३५औं मिनेटमा गोल गर्दै मनाङलाई अग्रता दिलाएका थिए । कप्तान कमल श्रेष्ठको क्रस पासमा विमलले हेडमार्फत गोल गरेका थिए । ४३ औं मिनेटमा अन्जनले पेनाल्टीमा गोल गर्दै मनाङको अग्रता दोब्बर पारे । पेनाल्टी बक्समा अन्जनलाई एन्ड्री थिएरी बियकले फाउल गरेपछि मनाङले पेनाल्टीको मौका थियो ।

६५औं मिनेटमा लुईस भिडालको पासमा अन्जनले अर्को गोल गरेपछि मनाङलाई खेलमा ३–० ले अघि बढ्यो । ८९औं मिनेटमा सकल रेग्मीले गोल गर्दै खेललाई ३-१ को अवस्थामा ल्याए । इन्ज्युरी समयको थप गरिएको पाँचौै मिनेटमा दायानन्द सिंहले गोल गर्दै मनाङलाई ४(१ को जित दिलाए । फेमी जोसको पासमा लुइस भिडालले दिएको पासमा दयानन्द सिंहले गोल गर्न सफल भएका थिए ।

त्यसअघि मनाङले गोल गर्ने अवसर गुमाएको थियो । १८औं मिनेटमा अन्जन बिष्टको क्रस मा विमलको हेडर एनआरटीका गोलरक्षक अजित प्रजापतिले रोके । २७ औं मिनेटमा कमल को कर्नरमा विमलको हेडर क्रसबारबाट थोरै बाहिरियो । ३२औं मिनेटमा लुइस भिडालको पासमा अन्जनले वान भर्सेस वानमा गोल गर्न नसक्दा मनाङ अग्रता लिनबाट चुक्यो । उनको प्रहार पोस्टबाट थोरै बाहिरिएको थियो ।

४३ औं मिनेटमा अन्जनले पेनाल्टीमा गोल गर्दै मनाङको अग्रता दोब्बर पारे । पेनाल्टी बक्समा अन्जनलाई एन्ड्री थिएरी बियकले फाउल गरेपछि मनाङले पेनाल्टीको मौका थियो । ५१औं मिनेटमा लसइस भिडालको क्रसमा विमल रानाको हेडर क्रसबारमा लागेर फर्कियो ।

५३औं मिनेटमा कमलको फ्रिकिकमा अन्जनले हेडमार्फत उत्कृष्ट गोल गरेपनि अफसाइड ठहरिए । मनाङ र एनआरटीबीच शनिबार लागि तय खेल प्राविधिक कारण देखाउँदै अखिल नेपाल फुटबल संघ (एन्फा) स्थगित गरेको थियो । त्यो खेल हलचोकस्थित एपिएफको मैदानमा तय थियो ।