पेरिस(एजेन्सी)- आज हुने युरो कप २०१६को फाईनलमा आयोजक राष्ट्र फ्रान्स र पोर्चुगल भिड्दै छन । दुबै चोटी घरमा युरो जितेको फ्रान्सलाई घरेलु मैदानमा ह्याट्रीक गर्ने मौका पनि छ भने पोर्चुगललाई पहिलो चोटी कुनै ठुलो उपाधी जित्ने मौका रहेको छ । 

पोर्चुगलले पछील्लो ४० बर्षमा फ्रान्ससँग भएको दस वटा खेलमा जित हात पार्न सकेको छैन भने, पोर्चुगल यस प्रतियोगिताको एक मात्र अपराजित टोली हो ।  आज हुने खेलमा पोर्चुगलका अनुभवी डिफेडर पेपेले पुनरागमन गर्ने छन उनले वेल्स बिरुद्को खेल चोटका कारण गुमाएका थिए भने प्रतिबन्धका कारण सेमी फाइनल गुमाएका कार्भल्हो पनि आज खेल्न सक्ने छन । आयोजक टोली फ्रान्सले भने प्रतियोगिता भर कुनै पनि चोट र प्रतिबन्ध खेप्न परेको छैन ।

प्रि म्याच कन्फ्रेन्समा के भने प्रशिक्षकले ?

फर्नान्डो सान्तोस (पोर्चुगल): मैले पहिले पनि भनेको थिए हाम्रो लक्ष्य फाईनल खेलेर जित्ने हो, हामी पोर्चुगिच जनतालाई खुशी देख्न चाहान्छौ । मलाई फ्रान्सको बारेमा बोल्नु छैन, मैले प्रतियोगिताको सुरुबाट बोल्दै आईरहेको छु फ्रान्स, जर्मनी र स्पेन प्रमुख दबेदार हुन भनेर । म आजको खेलमा मेरो खेलाडिहरुबाट पूर्ण अपेक्ष्या राख्दछु ।

डिडिएर डेसच्याम्पस् (फ्रान्स): पोर्चुगोलको टिम निकै राम्रो छ, दुइ-तीनजना खेलाडी आफैमा खेल जिताउन सक्षम छन । पोर्चुगल र फ्रान्स दुबैको पहिलो राउन्ड्को खेलमा आलोचना भएको थियो तर आज हामी दुबै फाइनल मा छौ । दुबै टोली राम्रो भएकोले खेल प्रतिस्पर्धात्मक हुने छ । मैले खेलाडिको रुपमा जिती सकेकोले पनि म आज आफ्नो आनुभव प्रयोग गर्ने छु ।