एजेन्सी –राफेल भारान रियल म्याड्रिडका महत्त्वपूर्ण खेलाडी हुन् । उनको उमेर भर्खर २६ वर्ष हुँदैछ । यो उमेरमा उनले १७ वटा ट्रफी जितिसकेका छन् । फ्रान्सका सेन्टर ब्याक भारान लेन्सबाट सन् २०११ मा १० मिलियनमा रियल पुगेका हुन् । रियलको इतिहासमा यति धेरै ट्रफी जित्ने उनी सबैभन्दा कान्छा खेलाडी हुन् ।

रियलकै करिम बेन्जेमाले १८ वटा उपाधि जितेका छन् । त्यस्तै जासे एन्टोनियो कामाचो र इकर कासिलासले १९ ट्रफी जितेका छन् ।
सर्जियो रामोस, मार्सेलो र मानोलो सान्चिजले २१ ट्रफी जितिसकेका छन् भने पाको गेन्टोले २३ उपाधि जितेका छन् । अझै केहि वर्ष भारानले रियलमै बस्ने सम्भावना रहेकाले उनको उपाधि संख्या बढ्न सक्छ ।

उनले रियलबाट ४ वटा च्याम्पियन्स लिग, ३ वटा युरोपियन सुपर कप, ४ वटा क्लब विश्व कप, २ ला लिगा उपाधि, १ कोपा डेल रे र ३ वटा सुपर कप जितेका छन् । गत वर्ष उनले देशका लागि विश्व कप पनि जितेका थिए । त्यो समेत जोड्दा उनको खेल जीवनमा १८ ट्रफी पुगिसकेका छन् ।

त्यस आधारमा भारानको तुलाना इटालियन पाउलो माल्डीनीसँग हुने गरेको छ । उनले २००३ सम्म ३५ वर्षको उमेरमा ४ वटा च्याम्पियन्स लिग उपाधि जितेका छन् । घुँडाको चोटका वावजुद उनले माथिल्लो स्तरमा एकरुपताको प्रदर्शन गर्ने खेलाडीमा पर्दछन् । त्यसअर्थ उनी प्रशिक्षक जितेदिन जिदानको पहिलो रोजाईमा लगातार पर्दै आएका छन् ।