5 years ago
January 18, 2020
एजेन्सी – ब्राजिली तथा फ्रेन्च लिग वान क्लब पेरिस सेन्ट जर्मेन (पीएसजी) का स्टार फरवार्ड नेयमारले पीएसजी मै रहने प्रतिबद्धता गरेका छन् ।
विश्वका महँगा फुटबलर नेयमारले गत समरमा पीएसजी छाड्दै स्पेनिस क्लब बार्सिलोना जाने मनसायमा पुगेपनि दुई क्लबबीच छलफलमा कुरा नमिल्दा उनी पीएसजीमै रहेका थिए । तर, उनले अबको सिजन पीएसजीमा रहने प्रतिबद्धता व्यक्त गरेका हुन् ।
नेयमारले पीएसजीमै रहने प्रतिबद्धता व्यक्त गरेपनि उनको नयाँ सम्झौताबारे क्लबको च्याम्पियन्स लिगको अबको यात्राले तय गर्नेछ । नेयमारको बार्सिलोनामा फर्कने चाहनाको बारेमा निरन्तर कडा अनुमानको बाबजुत पीएसजी उनलाई लामो करारमा राख्ने सम्भावनाप्रति आशावादी छ । तर, यो निर्णय अप्रिल वा मे पछि मात्रै हुनेछ । अहिले टेबलमा कुनै सम्झौता छैन ।
इएसपिएनका अनुसार पीएसजीले नेयमारलाई फ्रान्समै राख्न चहान्छ । तर, लिग च्याम्पियनले च्याम्पियन्स लिगको प्रदर्शनपछि निर्णय बदल्न सक्नेछ । पीएसजीले नेयमारलाई २०१७ मा च्याम्पियन्स लिग जित्ने लक्ष्यसहित विश्व कीर्तिमानी १९८ मिलियन पाउन्डमा बार्सिलोनाबाट क्लबमा अनुबन्ध गरेको थियो । पीएसजी दुवै संस्करणमो प्रि–क्वाटरफाइनलभन्दा अघि बढ्न सकेन ।
यो सिजन अपराजित रहँदै रियल म्याड्रिड रहेको समूह ‘ए’ बाट समूह विजेता बन्दै अघि बढेको पीएसजीले नकआउटमा जर्मन प्रतिद्वन्द्वी बोरुसिया डर्टमन्डसँग फेब्रुअरी १९ मा पहिलो लेग खेल्दैछ । दोस्रो लेग १२ मार्चमा घरेलु मैदानमा हुनेछ ।
पछिल्लो समय क्लब र नेयमारबीच राम्रो सम्बन्ध रहेको बुझिएको छ । २७ वर्षे नेयमारले पेरिसमा राम्रो महसुस गरिरहेका छन् । लगतार चोटसँग जुधिरहने नेयमारले पीएसजीमा २०१७ देखि हालसम्म ४९ खेलमा ४५ गोल गरेका छन् । यो सिजन पीएसजीमा नेयमारले १२ खेलमा ११ गोल र ५ असिस्ट दिएका छन् ।
March 9, 2025
सुमन अधिकारी, बुटवल अभिषेक चर्ज रजहर नवलपुर रुपन्देहीमा जारी सुनगाभा सैनामैना गोल्डकपको फाइननलमा प्रवेश गरेको छ रुपन्देहीको सैनामैना नगरपालिका-४ सैनामैना फुटबल रंगशालामा आइतवार पहिलो सेमिफाइनलमा आयोजक मुर्गिया फुटबल क्लबलाई २-० गोलले हराउदै अभिशेष चर्च फाइनलमा प्रवेश गरेको हो। अभिषेक चर्चका लागि दुवै गोल मार्टिन्सले गरे । मार्टिन्सले ६८ औं र ७८ औं मिनेटमा गोल गरे। […]
March 9, 2025
सुमन अधिकारी, बुटवल तिलोत्तमा गोल्डकप फुटबल प्रतियोगिताको २३ औं संस्करण अर्को महिना हुने भएको छ। बुटवल उपमहानगरपालिकाको संरक्षरण तथा रुपन्देही जिल्ला फुटबल संघको आयोजनामा प्रतियोगिता चैत ९ गते सुरु हुनेछ। रुपन्देही फुटबलले आइतवार बुटवलमा पत्रकार सम्मेलन गर्दै प्रतियोगिताको तयारी अन्तिम चरणमा पुगेको जनाएको छ । संघका अध्यक्ष लोक पुनले नेपालकै प्रतिष्ठित गोल्ड कपमध्येको एक तिलोत्तमा […]
March 9, 2025
दिपक बोहोरा, पाँचथर सहिद स्मारक ए डिभिजन लिग विजेता चर्च ब्वाइज युनाइटेड फिदिममा जारी पाँचौ पाँचथर गोल्डकप फुटबल प्रतियोगिताको सेमिफाइनलमा पुगेको छ। फिदिम माविको खेलमैदानमा आइतवार दोश्रो क्वाटरफाइनलमा भारतको हिल्स फुटबल एकेडेमीलाई ४- ० ले हराउँदै अन्तिम चारमा पुगेको हो। चर्च ब्वाइजलाई जित दिलाउन राज भुसालले २, फोडे फोफना र अभिषेक महतोले समान १ गोल […]
