5 years ago
January 16, 2020
काठमाडौं (हाम्रो खेलकुद) – नेपाली राष्ट्रिय फुटबल टोलीका मिडफिल्डर रोहित चन्द छोटो समयको नेपाल बसाईपछि अष्ट्रेलिया लागेका छन् । इन्डोनेसियाको पर्सिजा जकार्ताबाट खेल्दै आएका रोहित त्यहाँको सिजन सकिएसँगै नेपाल आएका थिए ।
नेपालमा झन्डै २ साता समय बिताएका रोहित अहिले कुनै क्लबमा आबद्ध छैनन् । उनी हाल ‘फ्री एजेन्ट’ छन् । त्यसैले पनि नेपालमा रहँदा उनलाई केहि ठूला क्लबले अनुबन्धनको प्रस्ताव राखेका थिए । तर रोहितले अफ सिजनमा विश्रामका लागि समय छुट्टयाएको भन्दै कुनै क्लबमा पनि सम्झौता गरेनन् । रोहितनिकट स्रोतका अनुसार उनलाई पर्सिजाले नयाँ सम्झौताको प्रस्ताव राखिसकेको छ ।
अघिल्लो सिजन पनि पर्सिजाले रोहितको मागअनुसार सम्झौता प्रस्ताव नगर्दा उनी क्लबमा आबद्ध नै नहुने अवस्था सिर्जना भएको थियो । तर अन्त्यमा क्लबले समर्थकहरुको दवाव र टोलीको आवश्यकता मध्यनजर गर्दै रोहितलाई अनुबन्ध गरेको थियो । गत सिजन क्लबका सबैभन्दा पुराना खेलाडी बाम्बाङ पामुंग्कासले संन्यास लिएपछि रोहित अब पुराना खेलाडीमा परेका छन् ।
सन् २०१३ मा पर्सिजा पुगेका रोहितले त्यसयता एक सिजन चोटले गुमाउनुबाहेक सबै समय पर्सिजाकै जर्सीमा उत्रिएका छन् । सन् २०१८ को सिजनमा पर्सिजाले इतिहासमा नै पहिलो पटक लिग उपाधि जित्दा रोहित लिगकै सर्वोत्कृष्ट खेलाडी चुनिएका थिए ।
क्लबका अध्यक्ष फेर्री पौलसले पनि पत्रकार सम्मेलनमा रोहितको सम्झौता नविकरण हुने पक्का रहेको बताएका छन् । उनीसँगै क्रोएसियाली फरवार्ड मार्को सिमिच पनि पर्सिजामै रहने अध्यक्ष पौलसले बताएका छन् ।
रोहित बिहीबार नेपालबाट एक कार्यक्रममा सरिक हुन अष्ट्रेलिया प्रस्थान गरेका हुन् । उनलाई तामाङ रिक्रियसन क्लबको आयोजनामा हुने छैटौं एक्स्पर्ट एजुकेसन कप २०२० को लागि विशेष निम्तो दिइएको छ । उनले आइतबार उक्त कार्यक्रममा सरिक भएर अर्को साता नै पर्सिजामा सम्झौता औपचारिकता पूरा गर्न इन्डोनेसिया पुग्ने बताइएको छ ।
रोहित अब नेपालले घरेलु मैदानमा हुने विश्वकप छनोटको खेलका लागि नेपाल आउनेछन् । नेपालले विश्वकप छनोट अन्तर्गत ५ खेल खेल्दै १ जित र ४ हार बेहोरेको छ । नेपालले अब घरेलु मैदानमा अष्ट्रेलिया, चाइनिज ताइपेइ र जोर्डनसँग खेल्न बाँकी रहेको छ । सबै खेल दशरथ रंगशालामा नै हुनेछन् ।
March 9, 2025
सुमन अधिकारी, बुटवल अभिषेक चर्ज रजहर नवलपुर रुपन्देहीमा जारी सुनगाभा सैनामैना गोल्डकपको फाइननलमा प्रवेश गरेको छ रुपन्देहीको सैनामैना नगरपालिका-४ सैनामैना फुटबल रंगशालामा आइतवार पहिलो सेमिफाइनलमा आयोजक मुर्गिया फुटबल क्लबलाई २-० गोलले हराउदै अभिशेष चर्च फाइनलमा प्रवेश गरेको हो। अभिषेक चर्चका लागि दुवै गोल मार्टिन्सले गरे । मार्टिन्सले ६८ औं र ७८ औं मिनेटमा गोल गरे। […]
March 9, 2025
सुमन अधिकारी, बुटवल तिलोत्तमा गोल्डकप फुटबल प्रतियोगिताको २३ औं संस्करण अर्को महिना हुने भएको छ। बुटवल उपमहानगरपालिकाको संरक्षरण तथा रुपन्देही जिल्ला फुटबल संघको आयोजनामा प्रतियोगिता चैत ९ गते सुरु हुनेछ। रुपन्देही फुटबलले आइतवार बुटवलमा पत्रकार सम्मेलन गर्दै प्रतियोगिताको तयारी अन्तिम चरणमा पुगेको जनाएको छ । संघका अध्यक्ष लोक पुनले नेपालकै प्रतिष्ठित गोल्ड कपमध्येको एक तिलोत्तमा […]
March 9, 2025
दिपक बोहोरा, पाँचथर सहिद स्मारक ए डिभिजन लिग विजेता चर्च ब्वाइज युनाइटेड फिदिममा जारी पाँचौ पाँचथर गोल्डकप फुटबल प्रतियोगिताको सेमिफाइनलमा पुगेको छ। फिदिम माविको खेलमैदानमा आइतवार दोश्रो क्वाटरफाइनलमा भारतको हिल्स फुटबल एकेडेमीलाई ४- ० ले हराउँदै अन्तिम चारमा पुगेको हो। चर्च ब्वाइजलाई जित दिलाउन राज भुसालले २, फोडे फोफना र अभिषेक महतोले समान १ गोल […]
